✔ 最佳答案
如果唔續約, 而你無通知電訊公司取消服務的話, 你個電話號碼會以無合約按月收費形式留響而家既電訊公司(即係你用緊既3台), 除非你一直無交費用, 直至停台超過三個月你個號碼先會被取消拎唔返.
你既情況我以前做CS時都遇見過, 我會建議你
1. 先響3台問下最平既續約plan, 目的係睇下點樣可以響最方便又最平咁保留你個號碼.
2. 電訊數碼之前有個超平既plan, 好似$20一個月有二百分鐘左右, 如果3台無平過呢個價錢既, 你可以選擇轉走去電訊數碼了
3. 電訊數碼呢個plan無記錯係半年合約, 要一次過先交哂六個月月費, 至於有冇一年既合約, 你要去佢地門市再問了
4.假如3台有更平既plan, 當然係選擇留返響舊台, 唔使再特別搞轉台, 但係建議你申請埋自動轉賬, 費事因為無錢停左台, 到你一年後返黎香港就拎唔返個號碼了
2013-02-05 16:25:23 補充:
儲值卡一般有效期係三個月至半年, 差唔多到期就要再儲值去extend個有效期
除非你有朋友幫你響香港做儲值, 或者你去電訊商度做自動增值, 萬一過左期冇充值30日張卡失效你個電話號碼都係會冇左