我當年中學時期同D人結左怨....到依家畢左業都仍然好大困擾

我已經中學畢左業接近1年,記得當年係中1至中3時期,我自問自己從來都冇乜點得罪D衰人,但D人不停係咁恰我,恰到我敢怒不敢言,其中有個帶頭恰我既仲係小學時期已經恰緊我,仲不停係其他同學面前將我標籤化,仲一齊排擠我,當正我係異己(當然唔少得粗口啦),搞到放假出街果陣都要提心吊膽,好擔心會見到佢地,真係搞到分分鐘都精神失常(但好彩未去到想自殺既地步,換著係第2個可能已經頂唔順自殺左).....仲好多次搞到返屋企果陣偷哭,而果D衰人不但冇停手,仲愈黎愈過份,搞到我日日返學都提心吊膽,成隻過街老鼠咁,跟住之後我因實在忍無可忍,為左報復佢地而做左一D好過份既野(可以話係令人髮指到唔敢令人相信,不過我唔方便講咩事,怕惹禍上身同被人起底),總之就係對佢地傷害好大....最後我同佢地之間既仇恨愈黎愈深,可以話係一發不可收恰....直頭係去到要互相廝殺既地步....之後亦都搞到我開始愈黎愈怕同其他人接觸,變到好少主動同人講野,搞到成個傻仔+自閉咁....好怕自己再一次受到傷害....又怕即使識到新FD都唔會做得長,隨時會有反目成仇既可能,又擔心自己會被出賣....搞到好大困擾....分分鐘有抑鬱同比人懷疑精神失常.....去到中2-中3之後,班人相繼唔同班之後,情況都開始有D好轉,亦係度識到幾個難得既好朋友....情況都可以叫有少少改善....雖然多數都貌似仍比人覺得傻仔+自閉,但公然既針對性攻擊既欺凌都開始冇乜再發生....但因為咁相對變得存在感薄弱,之後情況並維持到畢業.....

但係我實在好驚佢地會記仇記到依家,好怕D人會係其他地方做D敗壞我名聲/人格既行為,令我陷入萬劫不復之中.....加上又怕如果第時出黎做野果陣撞返同事就弊(雖然機會唔大,但都唔係冇可能),會再次咁不停針對同攻擊我同周圍係其他同事面前作出敗壞我名聲既行為,企圖將我魔鬼化,搞到我變得孤立無援,令所有同事當正我係敵人,真係好擔心因為咁搞到我前途盡毀.....

我依家諗返,亦都好後悔點解當年咁唔成熟同衝動,一時之氣做左一D無法挽回既事,呢段往事可以話係不堪回首,可以只能安慰自己靠時間沖淡一切.....事情已經隔左接近5-6年,雖然平時都可以話忘記左,但訓果緊又唔知點解會諗返呢D咁黑暗既過去.....我真係覺得好困擾同無助,完全唔知點算好....希望有心人見到能比D意見....THANKS