感情問題(真係好長><)

拿,姐係咁。咁我係上年暑假因為參加咗個活動,應該距離而家有差唔多有七個月啦,就係個時我識咗個男仔啦(個男仔係新加入黎既),個時對佢就無咩野既,但係9月(個活動完咗好耐,但係每星期都會聚會一次)開始佢唔知點解就炸我機(洗wtsapp)持續到10月中,係期間我發覺我好似中意咗佢,我好中意佢每一日都炸我幾次機,係期間總共應該炸咗有七千幾八千個訊息。係個時我對佢既好感又特別大,自從我10月去完camp之後,我地唔再係用炸機既形式溝通,轉咗傾計喇。我地每一日都會傾,到而家都仲有。但係,係期間佢有對我忽冷忽熱,傾計or見面都係,因為我中意佢嘛,所以正常都會覺得個個人都係中意我,所以我對忽冷忽熱呢樣野特別介意。比d例子比你地睇下,好似之前咁,每一次我經過or係佢附近,佢都會望到我實一實,有時係望得太耐我覺得有小小
尷尬,所以有回避一下,等我再望番佢,佢仲係望緊我:D但係而家好少lu,望都係一兩秒,而且都係佢回避先,認真我好sad。佢上幾個禮拜既聚會就特登坐係我隔離,有一個環節係寫張紙比你想鼓勵既人,佢寫咗比我,但係唔係親手比,係叫另一個人比,個刻我好開心。[好似打咗好多咁,唔知你地有無耐性睇呢]講真我真係好中意佢,我想知佢點睇我,記得我同佢講耳仔發炎,佢就叫我去睇醫生,有時佢整親我都會叫佢早d訓,就算打機,我都會叫佢唔好打咁夜,佢都會答我ok,不過有時我搵佢,佢睇咗但唔應我機,心情即刻down晒,而且係其他人見到,我地表面上唔熟,但係卻係識得時間最短,同我最熟,知道我最多野既人。但係大部分傾計都係我搵佢先,呀,因為佢5點幾就出門口番學,所以我都會5點幾起身睇佢出門口,當然佢都知啦,有時放學都會(好似我送佢番學咁,不
過係遠距離)wow,我發覺我打咗好多,其實仲有好多,不過我估己經夠啦掛。因為我同佢係識既呢幾個月真係發生好多事。打咁多,以你地得咁少資料既理解,
1.你覺得我地係咪依然只係普通朋友？
2.佢feel唔feel到我中意佢？
3.佢有無機會係中意我？
4.佢究竟係點？成日對我忽冷忽熱咁
5.我地有無可能？