中三選科...求意見thx

1)　如果以我既排名黎睇, 揀到要揀既科既機會大唔大?
你要知道，你選科的機會較大，因為你考三十名全級。但要看看不同的選科標準，應該問問老師了解情況。

2)　想問下econ同bafs學咩, 有咩分別, 邊科易讀d?
econ同bafs有少少關係，有部份重疊。但聽人講，經濟科較易最分，初頭好淺，唔難明，但之後會好深。econ科好多人都好高分。至於BAFS比較實用，但聽人講呢科好難，唔好以為成日計數就沒事。呢兩科都要求好多背誦，因為有好多解釋題。如果BAFS你讀會計單元，就有好多數計。聽講BAFS好多人退修，因為課程較深。所以我建議你讀經濟科。

3)　econ/bafs會唔會好多數要計?
如上題所示，econ多計數依我估計，仲多過化學科，而bafs 商業管理比較少數要計,but 會計好多數要計,但多數加減乘除

4)　真係讀中國歷史同中國文學, 大學選科會唔會好難?
都可以咁講，因為中國歷史同文學都係文科。而且我唔建議你選呢兩科，即使選，你語文能力同分析能力都要有一定程度。

中國歷史科方面：比較少人讀，好多分析性題目，非常多背誦同評論題。當中有唔少文言文史料，一定要讀得通透。宜家考評接近通識，好多人退修。考試題目要你比較唔同朝代，或如把均田制（隋朝）用至現代會有成效嗎？除非你評論能力好高，否則我唔建議你選呢科。另外，寫字要寫得好快，好多人我分係因為識做但做唔晒！

至於文學都有好多背誦，除非你中文科閱讀同寫作能力都好好，否則我唔建議你選呢科。因為有好多創作，而文憑試考六個鐘頭更恐怖。至於文學賞析方面，你閱讀理解要好，一定要明文言文。當中有好多課文要讀，讀熟分析。不過也會考你唔同作品的比較，評論都有好多，考試咁長，我唔建議你選中史冋文學。

而且，你大學選科會窄咗，你要考慮清楚。

5)　讀文科, 第時出黎會唔會冇咩出路? (可以做咩職業?)
正所謂行行出狀元，讀文科有啲職業係唔可以做，但你可以在大學選其他文科工作，如法律，心理學等。唔好以為理科較深，其實性質不同，不能比較，相反，文科要你寫字好勁，表達得好。分析要夠深入才能高分，所以背野勁唔代表一定讀到文科。

6)　理科真係比較文科好?理科既話邊科比較容易讀?
唔可以咁講，理科生可選的大學科目的而且確係多過文科。但文科也有唔少出路，可以做律師　社工　老師。不過，我想你文理兼備，因為如果唔係你唔會知道科學既野，未來你如果想改變主意也可以選大學理科科目，大學要求一科science就得。至於邊科較易讀，其實就科科都深。不過如果你數學唔掂，你就唔好選Physics and Chem。我建議你選biology。但這科唔係只背，要識得運用。宜家中三Biology唔難，但之後難少少，唔算好多，只要你基礎打得好，no problem! 不過，concept唔難明，題目可以千變萬化。你要知道變通，死記冇用，你記之餘都要理解。有時候題目唔可以從書中直接找出，到高中時你就知道題目係可以好深。舉一反三係你讀呢科需要的技巧。有人話呢科好好玩，因為呢科有好多字要串。即使你串到字，你答唔中題目的重點（未能掌握題旨）都可能會失分。答中關鍵字會有分，回應題目係好重要！不過，你做多少少練習（中四才需要），Concept會明好多

7)　除中,英,數,通識 仲有冇其他必修科?
冇其他必修科,但選修科比較多

2013-02-08 11:19:50 補充：
修正: 好多人失分係因為識做但做唔晒

2013-02-08 11:33:50 補充：
講多少少，大學讀商科同中學讀經濟科冇關係，不過經濟科可給你認識全球經濟體系，好大用處。實用性算強

地理科也好，理解　背誦　邏輯都要好，有MC　要畫圖。唔少課題都是很有趣的，同日常生活有莫大關係，學識處理事情同思維技巧。始終地理科同science有好大關係，只係學多咗人類活動仙叫文科。如果你現在地理科唔明，未來會好痛苦。初中同高中完全係兩回事（地理科課程）。仲有，呢科有計數但唔多，有圖像分析。客觀啲，要寫文，但唔多。

希望以上資料可以幫到你！

2013-02-08 11:35:01 補充：
另外，History科都算過得去。你的語文能力同評論能力也要有一定程度。文憑試歷史科只有資料題同評論題。在資料題方面，你要明白每個資料講的內容。History也要要求你記憶好好。用資料同own knowledge要分清楚，要識用自己的文字寫文。History對通識也有好大幫助，訓練批判和多角度思考。另外，寫essay係背，不過好睇你講議題講唔講得深入，申述夠唔夠清淅，千奇唔好寫多餘野。只要你背，深入地分析都會有13/15 分。有時候History也可能因答不中重點而失分。高中只會讀二十世紀的歷史，包括現代化與蛻變和國際關係，好貼你中三課程。（總係好過中史，冇咁多野）

Major Subject Use Bi Saying 23 Putonghua's Use
====================================>
Zi You Xuan Wen Ti Suo Ren Qu Pian Ou Na Mei Li Ke Ju He Guo Fa
Er Ding Chu Ben An 23

1.機會好大.
話哂都頭30名.

2,3. 呢2科都係記下D原理,定理咁.
當中都有D要計數.
同其他科比.呢2科係相對易.
所以都會多人揀.
bafs就比較實用.
如果你要係econ同bafs揀一樣.
我就建議揀bafs
因為對將來揀科/做野都有用

4,揀科既選擇都唔少.
所以唔會好難既.
係就係會比理科少.

5,都有好多出路.
做社工,老師,研究,編輯之類,新聞,律師.經理,
但你讀既科入面有科商科.
出路都多元化左.
可以做D管理層咁.
加上你有文科底.
都會有個優勢.

6.如果你係想做D同理科有關既科.
咁就當然係理科.
而事實上,人地覺得理科好.
最主要都係科數學.
因為數學好.對好多行業都有用.
而係理科入面.bio,chem係比較易,(同maths,phy比較)

7,冇.但要有elective.

1)如果以我既排名黎睇, 揀到要揀既科既機會大唔大?
以我主觀意見,機會率較大,你d成績排名都ok la.唔肯定,都要睇反每間學校標準!

2)想問下econ同bafs學咩, 有咩分別, 邊科易讀d?
我未讀过econ,但聽講econ系比較難,而bafs入面有2個選修你要選1個,一系會計,二系商業管理,如果你想知econ同bafs學咩,可以上http://www.edb.gov.hk/FileManager/TC/Content_5999/bafs_final_c.pdf 同http://www.edb.gov.hk/FileManager/TC/Content_5999/econ_final_c.pdf 睇睇

3)ecan/bafs會唔會好多數要計?
econ唔會計數依我估計,而bafs 商業管理比較少數要計,but 會計好多數要計,但多數加減乘除

5)讀文科, 第時出黎會唔會冇咩出路? (可以做咩職業?)
我唔清楚,但我估可以做編諿,冩新聞槁,我有个朋友佢讀文科,最後做左社工

6)理科真係比較文科好?理科既話邊科比較容易讀?
我覺得理科同文科都差唔多好,根本無得比較,所讀嘅野完全唔同!理科既話生物比較容易讀因為大多數concept可以死記,但都有少部份計數..物理你要好清楚concept,好似能量都有好多公式,但你要知道幾時用个條公式同點用..而化學有數要計同有d要記,化學方面我唔清楚

7)除中,英,數,通識 仲有冇其他必修科?
冇其他必修科,但選修科比較多

I hope I can help you