點樣由HD轉返香港的大學eg.香港樹仁大學,珠海學院??

NON-JUPAS有D已經截止報名, 有些仍然有申請, 你自己上大學ADMISSION網頁睇. 八大、珠海及OU可以上網報名. 以往NON-JUPAS 6-7月派Offer(有些更早), 但AL 7月先放榜, 大學會唔會睇係一個問題. 就算肯比你補交, 睇唔睇又係另一問題. NON-JUPAS學位少, 競爭大, 不但是本地ASSO/HD/Degree想轉U的學生(有D係AL成績唔差但肥UE), 內地同外國學生都爭學位. 話就話NON-JUPAS睇面試, 但你連面試入場券都無, 大學點收你? 你自己有乜本錢爭?

我建議你今年同下年都報, 你AL考得唔錯的話可以補交增加入學機會(雖然唔知睇唔睇), 唔得當買個機會. UE肥既考埋IELTS買個保險(如果你覺得自己UE又肥), 雖然基本要求係6份, 但都起碼考到6.5分. 還有, 好好想自己應該專注邊一方向, 以往好多人都係HD/Asso及AL兩邊兼顧, 亦有人兩頭唔到岸.

HD升U並唔係必然, 你讀完課程亦唔包你一定有大學收.

LCCI level 2得中五程度, 淺過會考, 出去做野level 2/3係基本要求, 呢隻cert大把人有, 再加上大學year 1 會計會教基本野, 你考到都唔會有優勢 會計系亦會收非商科畢業生.

樹仁方面, 你UE肥佬樹仁係唔會收, 亦不接受Combine cert, 亦唔會收並非相關科目畢業生讀Year 2. 樹仁係要自己上去報, 但報名表可以叫人幫你取, 但一定要帶Cert證明你符合入學要求, 否則唔會派表及籌, 樹仁網頁有講報名方法.

如果你成績唔得, 你可以試下珠海恒管這些院校(並非大學). 有人高考全部D&E都入到, 不過你UE唔合格, 問清楚IELTS可唔可以代替UE.

既然你今年retake左,就博盡佢.
你都只係差UE.同埋另一個AL既科.
假設你主攻呢2科.
最後拎到個A.而UE又pass左.
咁就應該入到U ^^

HD YR 1想轉返上U.係要高分先得.
如果你既分係最top果D.就應該ok
其他就無機,就算中上都應該入唔到住.要讀完先入到.
所以最好都係出年先報.

如果你唔係報D會計既科.LCCI.就無咩作用.

不過你又對依加既科無咩興趣.
如果係我.我會揀轉科.
要讀一樣自己無興趣既野.將來自己又唔想做呢行.
真係好辛苦

至於邊個易入.就樹仁,公大就可能相對比較易

nonjupas,你只要上D大學既網就會搵到.係入學申請個度.
而申請要交左報名費先可以成功申請.通常係200~300蚊左右
有D就要每個申請交一次錢.

最後講多幾句,
我建議你放多D時間準備retake會好D.
加油呀
如果仲有咩唔明或者想人比意見可以再問我