我覺得自己精神有問題...求救 (詳情進來看)

為左你地睇得清晰d,
我首先解釋呢個發問可以分為兩部分: 1.超自然 2.戀愛




1.超自然
係咁既...我係個21歲既男仔
從16歲開始已經留意「超自然」的東西,
常常到香港討論區既UFO及超自然力量討論版到睇野,
睇左好多野,例如UFO,外星人種類,外星人操縱地球人,世界末日,世界係假象,靈魂,人類既超能力,潛意識,無意識,新世紀思想,冥想,吸引力法則,人既振動頻率,靛藍兒童,思想能改變物質,etc...
又睇過「與神對話」,本書講左好多新世紀思想既野,又話世界周圍既事物都係神,神就係形成物質事物既意識,又講左好多地球上社會既野,同好多其他野...
又有留意彿教,例如量子物理,所有野都係能量波形成,所以萬物皆一,世界乃假象,身體都唔係自己的...
又有留意心理學,心理學講到人既行為受潛意識影響,人又有無意識

而家覺得自己生活係呢個世界上面好虛幻,覺得世界係假既...又覺得生同死都冇咩分別咁,我真係驚自己會無端端自殺
又成日覺得呢個世界被外星人監視住,或者自己來到呢個世界都只係因為外星人既目的,成日覺得外星人係利用緊地球人達成佢地既目的
又覺得自己一直比遠在宇宙遠方既外星人監視住我每一個思想、行為
又覺得自己好孤獨好孤獨,因為UFO及超自然力量討論版到睇過個post,話人可以感受到世界只係因為大腦接收到五官傳送既訊息,所謂「世界」並不存在,全部都只係人腦主觀地感受出來既,例如人可以感受到空間,只係因為人既大腦既一小部分區域所製造出來既「感覺」,人可以聽到聲音,只係因為從耳朵傳送到大腦既訊息,被大腦既一小部分區域所接收到而製造既「感覺」,搞到我自己好似除左自己既身體之外,全部野都係假、係不存在咁...有種極度孤獨既感覺,好似全宇宙得我一個人生活咁,要一直活到80歲...

我真係唔知自己咩事,唔知係咪因為睇左咁多呢d野,搞到自己咁,
覺得自己被洗腦
定係有其他原因
因為我又懷疑係睇呢d野搞到自己怪怪地咁,定係因為戀愛經歷先搞到自己咁...

2.戀愛
我有一段戀愛經歷,係唯一一段(初戀),頭半年同對方見過4次面而已,每次5小時,對方係東莞人,我係香港人物,在深圳見
但佢對我好冷淡,一直見面唔多,只係係網上聊天,之後一年半都係網上聊天,仲要唔係天天聊,咁我就一直對遠在東莞既佢有好多幻想...同埋將佢既行為「合理化」,但又唔知佢真正既諗法同生活情況,所以唔知係咪一直以來都係咁,自己幻想左好多野,例如佢呢幾日冇理我應該係我上次講左句咩咩野,或者佢呢幾日冇理我應該係咩咩咩原因,所以先冇理我,又諗佢應該一直都有想念我既,又諗佢上線應該係為左我,又諗乜又諗乜...但全部既推斷、想像、幻想,都無從求證!又覺得佢同我係空氣中有思想上既鬥爭,講真一個係香港一個係東莞,根本毫不相干,但就隔住個網絡拉拉扯扯、糾纏。唔知係咪以上的全部原因,搞到我覺得好虛幻


我真係唔知自己咩事,講真我真係好驚
我唔知點幫自己,我唔知係到發問可唔可以幫到自己
唔知有冇人可以幫到我
我好似精神病咁,但又覺得自己唔係傻,仲可以讀書,計數,思考...
但係硬係覺得自己好似傻左咁
(p.s. 我決定左遲d去東莞搵對方,我想同對方好好傾傾,在傾談既過程中思考自己變到好似精神病咁既原因,究竟係戀愛搞成咁,定真係個d超自然既訊息搞成咁)
仲有兩個原因,一,就係我唔知係咪因為自己係呢段戀愛中,傷到傻,所以覺得傻傻地咁...
二,就係係戀愛中我心裏有種「想成為對方」既念頭,但由於溝通嚴重不良,所以我對佢既認知十分膚淺,所以自己都變得好膚淺,冇深度,所以會覺得自己傻傻地咁,另外我覺得對方都係傻傻地咁,所以我都學左佢變到傻傻地咁...