當日朋友叫我入錢比佢幫我做孖展買賣股票
錢入左好順利 股票上市前果日話我知計返% 分返幾多手比我
暗盤價出左之後 我覺得隻股價唔對路 同朋友講左我會係早上
即係開市後放 佢回我話你鐘意幾時放咪wtt app比我
當日9點30分 同佢講 我問而家2蚊可唔可以放 ? 佢15分鐘都未回我
大約10點後回我 佢話係街 我即時話唉走左機會啦 都唔知2蚊放唔放得返
返黎同我講 佢話你估我係你經紀呀 你鐘意幾時放就幾時放
之後嬲左我 你地評下理啦
更新1:
錢佢冇呃我 因為我自己唔識開戶口 聽到佢講好易賺錢 更係心動架啦 跟住黎緊呢幾隻股票佢唔幫我姐 係前晚講明左我會第2日放架啦 我呢d唔識既更係想賺小小走啦 佢而家話我煩唔幫我 咁前晚又好地地講明 我鐘意幾時就幾時 一時當日股價係咁變動就突然走左 唔通知聲 返黎佢話你果1手股票 嘈住哂而家你想幾錢我比你 下次唔幫你搞 我話咁又唔洗 你幫我掛2蚊算 最後都賣左之後過返錢比我 但係因為呢件事佢覺得我煩 你地覺得係點啦 唉
更新2:
回一下 toto 係既我搵人幫我搞 事實上係佢叫我比錢佢幫我搞 佢都問左我1x次架啦 而我又冇任何買股票經驗 見到跌緊驚緊係想走 重要係我講過我會第2日放 如果佢講聲我會出去一陣 你而家放唔放架 咁我冇放到就係我既事姐 當日又走左去 咁又岩呀? 講真買左1手我係想體驗下 賺唔賺得多 心入面想硬係最好以接近全日最高位啦 咁樣不如我比錢叫佢投資 我唔理啦 佢又想我睇住 都可以咁講既我答佢買唔岩 但係成件事咁樣反而係我錯? 黎緊個幾隻我同佢講 我唔理我比錢你幫我搞佢又唔肯 因為呢排d新股好似贏硬咁 想學下姐 結果搞成咁唉 成件事其實佢一早唔比我話事 但係又唔出聲 講到好自由
