樂聲一匹窗口式冷氣機，有需要接上漏電斷路器嗎？

1. 任何插座(非任何電器)都必需接上漏電斷路器.
2. 冷氣機,熱水爐,電燈等固定裝置,可不需要接上漏電斷路器.

如果你部冷氣機係用接線蘇,就可以唔需要接上漏電斷路器,但你就係用插蘇,所以就一定要經,不管係5A,13A,15A.

明白未?

2013-01-24 18:38:50 補充：
仲有,獨立線唔代表就一定岩例,根據守則,放射性電路(即係你講既獨立線),電線既直徑最少要有4mm,而實際上,師傅只係會用2.5mm,唔講例講番實際黎講,條線都夠力,但我又提醒你,電箱既獨立跳菲好大機會係20A,問題就係,條線都頂唔到20A,但個條菲就要OVER 20A先識跳,咁要條跳菲黎做咩?跳菲既主要功能唔係要黎開關,係要在負荷過重之前就識跳,避免意外發生.

2013-01-24 18:44:15 補充：
我再解釋下1同2既關係.

係1既情況下,只要係用插座供電,則不論所使用既係咩電器,就算係燈,都一定要接上漏電斷路器,個要求係講緊凡係插座都要經.

係2既情況下,係可以全屋電器都唔需要使用漏電斷路器,條件就係所有電器,例如一個風筒,都係用接線蘇取電,但實際上,邊有人間屋係一個插座都冇,而每件電器都係駁死哂落接線蘇呢.

2013-01-24 18:51:03 補充：
另外電器又係咪一定要有水線呢?答案係唔一定,如果電器符合雙重絕緣標準,係可以唔使用水線,可以留意下,好多電話叉電既火牛係方形三腳,但水線個插位其實係假狗,係用膠做而非銅做,然後再睇下,個叉機上面會有個"回"既標誌,由2個正方形組成,呢個就係代表產品係有雙重絕緣.

2013-01-25 00:32:30 補充：
你朋友的建議是正確.

我所針對的,是插座必須接上漏電斷路器,而非針對冷氣機是否需要接上漏電斷路器.

看來今次的問題已經得到解決.

嘩~八戒兄你水電工程,裝修設計都泛泛掂,第時搵你裝裝修整吓間屋先得,打個折計平D呀老友~~^^

圖片參考：http://imgcld.yimg.com/8/n/HA05766299/o/20130126221030.jpg

其實最安全就是安裝一個
ELCB，水總，即漏電斷路總制，但因為30MA太敏感，動不動就跳制，很不方便，所以電燈公司只執行插蘇才要經水氣制，其他器具都不用經水氣制，我個人認為總制最好安裝300MA水總，插蘇就用30MA的，這樣就安全得多，30MA就是0.03安倍的漏電量就跳制，300MA就多10倍。

唔多講,電力(線路)規例,工作守則2009年164至166頁(機電署網有得睇).