想去台灣讀大學之唔知點算◎○◎∥

1..如果我去台灣讀大學返嚟香港會唔會唔承認學歷?競爭力係咪會下降?
基本上係唔會承認，讀完番黎可以拎台灣學歷換番香港相對應GE學歷，有90%都會拎到，但拎到D咩相對應GE咩學歷就要睇你讀咩學校/系。雖然話就話可以轉番相對應GE學歷，但你係僱主一個係香港D大學畢業，一個係台灣讀完之後轉番學歷，你會揀邊個，我諗競爭力點都會差少少GE。

2..台大係咪台灣大學中唯一國際認可的學校?入學的要求又系點呢?
其實連香港都唔多認何台大。只於入學要求就一定係難啦，你要知佢有2次分發，一次係個人制(個人制通常要比一D獎項GE証明先可以申請)，第2次就係拎DSE果D成績去派位，基本上有D勁人報完派左台大比佢可以唔讀(可能當台灣係後備又派到香港學位)，而且佢地唔會自動補位，個位就咁空係到冇人讀，所以你入到台大我諗都可以留係香港升到大學。

3..我最想最有興趣就係讀設計例如時裝或者係廣告設計又或者係化妝 但係我想知道讀完返嚟香港可唔可以承認我的學歷?
基本上係唔會承認，可以拎台灣學歷換番香港相對應GE學歷，其實理工大學都有類似GE系，係台灣讀點都會比下去。

4..聽講台灣獸醫好,咁讀獸醫但係要有咩條件架??中4-中6無讀生物入到嗎?
佢有2次分發，一次係個人制(個人制通常要比一D獎項GE証明先可以申請)，第2次就係拎DSE果D成績去派位，獸醫係屬於第3類(第1類比較文商科，第2類比較數理科[工程果D]，第3類就係醫科[包括獸醫都係依到])第3類個分發計分有生物，但唔一定要用生物計分。

5..如果去台灣讀書讀邊間好?我想去臺灣大學讀 但係我想知道收生嘅條件?(即係成績)
要睇你讀咩系先知邊間大學好，不過如果大概黎講有台大-->成大-->交大-->清大-->政大-->中正，中山，中央，中興--->師範大學(大概係咁啦...)台大個收生條件好睇你果陣有幾多勁人同你爭，如果咁岩你係派位入面最高分果個咁埋入到台大，不過基本上岩岩都話有D勁人派完唔讀，而且你讀到台大都應該讀到香港D大學啦，因為你DSE成績都要咁上下。

6..我想問讀邊啲科會比較好?
當然係一D香港冇GE又相對有用GE科，正如岩岩你講GE獸醫果D比較好，有D科好似森林系咁香港雖然係冇，但斷估你讀完番香港應該用唔著。

7..係台灣讀完大學番香港會唔會認可,例如讀獸醫可唔可以番嚟做醫生,讀教師可以返嚟香港做到老師之類
基本上獸醫番到黎係香港實習幾年就可以成為真正GE獸醫，至於老師就要睇你之後應徵GE果間學校認唔認何你啦，如果你係台灣讀英文，我諗都幾難有人比你教英文，因為台灣英文真係幾廢下，我諗中文會好D。

8..我想知道依家台灣嘅大學既亞洲排名eg台大係咪亞洲大學既20名?@@
台大全球排名都有200名內(印象...如果冇200名內都有300)，不過點都比香港多間大學差架啦，至於全亞洲20名內，台大岩岩好係第20位(2012年GE資料)

每個星期五晏晝，喺尖沙咀海防大廈７／Ｆ，嗰度都會有個台灣升學講座，係俾嗰啲已經報咗名或想準備去台灣升讀大學的人聽。你自己 Walk-in 上去聽啦！你啲問題太多，我唔想喺網上答。
不過第８條，至於大學的排名，唔同機構有唔同的排名，不能盡信一個機構，應該參考多幾個機構。