有人說持股票要如持樓一樣, 才可賺大錢, 同意否 ? 如何做

你可以研究下香港富豪既致富方法,就可以大約明白,要發達,先要有思考方式,然後才選擇方法,最後係長期重複做相同既事,最後就會達標,舉其中一個共通點,就係佢地不斷透過派息,然後增持公司股份,公司愈壯大,財富愈增加,前題是佢地係公司決策人,對公司長遠前景了解,先可以作出以上投資決定,就係除左長期持有,仲會不斷加注.

簡單講一個財務智商邏輯,今日你有100蚊,如果可以唔洗,收3%息,明年就有103蚊可用,明年如果有100蚊新錢,上年既103蚊x3%,加上新錢100蚊x3%,你就可以計到第3年,第4年既結果.成件事係講緊,假如第一年既100蚊本金你都洗埋,往後既事根本就唔會發生.窮人同有錢人,思維上只係得一個好細既分別,就係窮人會先想現在,洗埋果100,有錢人就會先想未來,頂多只用收息既3蚊,去保住會生蛋既100蚊本金.

相同邏輯可以放落炒股.炒股最怕係犯本,一年出入過多係輸硬,唔止蝕,唔贏盡都係輸硬,一般黎講,炒股冇分好股壞股,重點係要上落快,所以炒股輸左死坐,到頭來就係一倉垃圾,實際上,幾廿萬買隻股,供下股,合下股,幾年後得番一百幾十係唔出奇.

炒股係冇一個可靠方法,等如打牌一樣,贏輸除左睇自己牌章,更重要係對手係咩料,你講既心得,真係阿叔阿嬸都知,所以頂多只係一個方法,而唔係思考方式,所以,輸係正常.

良方:
1/ 可以在當頭跌先賣.
2/ 大手持貨, 咁, 費用相對就少; 而且, 大手持貨, 就可以分注賣
3/ 學睇圖, 跟圖炒賣. 成交量, 都要跟埋個價位架, 齋睇成交量, 茅意思.
4/ 如果你個心得 work既, 跟, 唔使頭痕. 如果頭痕, 即係唔多 work. 仲有, 你個阿叔阿嬸, 係固定同一班人, 定係唔同既人? 呢度會有好大既誤差.

搭下訕: 咁易做咁易賺, 就個個都係有錢人啦 ~

不看圖表來炒就等於賭博,你不看圖表不是因為圖表沒用,是因為你不懂圖表可以怎樣應用

跌就死持有是錯的，你的資金被積壓了，不能動用，所以有止蝕這個名詞，看重成交量是跟大隊做法，但股價跌，成交量少是收集机會，個莊都會跟图表抄高炒低，以免太肉酸。