女兒質問：你係乜嘢基督徒？你邊一忽似基督徒？基督徒會點答？

母反同志平權　趙式芝︰立法可保護我


最佳評論

Roguefaye Chu
強姦也是非法,不見得拍有強姦的電影有問題

helloming89
而家係反歧視，又唔係支持同性戀
首先我唔覺得立法會增加同性戀
就正如反歧視殘疾人士會唔會多左人傷殘Y
反歧視精神病患者會唔會多左人患精神病Y
根本佢地就係歧視，唔肯包容人地!!!!!!!!!!!!!
http://www.youtube.com/watch?feature=player_embedded&v=cxiofYMXqzg

【本報訊】梁振英發表施政報告前，親建制宗教團體昨動員造勢，反對性傾向歧視條例立法，向政府施壓。有牧師在大會上口講包容共融，卻將同性戀與「人獸交」、「亂倫」相提並論。公開同性婚姻的名媛趙式芝，其母姚煒昨站台分享曾未能接受女兒「出櫃」，但承諾繼續愛護愛女；趙式芝明言必須立法保障同志平權，「希望媽咪了解到，立法可以保護佢個女」。
記者：王家文　林社炳　吳嘉羚　林妙萍




■同性戀者「踩場」高舉示威標語，要求政府立法平權。




【親情勝於政治】■公開同性婚姻的趙式芝上台與母親姚煒相擁，感謝母親關心。司徒世華攝


親建制基督教團體播道會恩福堂斥資45萬元在添馬公園舉行「愛家共融祈禱音樂會」，大會聲稱引述警方數字有六萬人參與；警方則指高峯時有5,000人，否認有向大會提供集會人數。大會發言人譚子舜牧師稱，集會是要反對性傾向歧視條例立法。他不評論梁振英應否展開諮詢，但強調「從來冇反對」。

大會昨邀請名媛姚煒站台分享。她說，當知道女兒是同性戀者及要跟同性好友楊如芯（Sean）結婚，先後兩次撼頭埋牆，「我個心痛到幾乎崩潰，放聲大哭，感覺自己求生不得，求死不能」。她坦言接受女兒的伴侶Sean，但當知道二人要結婚，且公諸於世，卻不能接受，曾跪於女兒面前哭訴，「你以後唔好搞咁多嘢啦唔該，你留番啲餘地空間畀我生存啦」。

承諾繼續關心愛護女兒


惟女兒一句話，終叫她如夢初醒。姚煒憶述，當時女兒質問：「你係乜嘢基督徒？你邊一忽似基督徒？」她重新思考何謂包容，「原來我真係對佢完全缺乏了解」。其後趙式芝更上台與母親相擁，姚煒承諾，以後對愛女繼續關心和愛護。二人離開時沒回應記者提問，趙式芝被問到是否感謝母親支持，她豎起拇指讚好。

趙式芝其後接受本報電話訪問，她說昨日心情很矛盾，「覺得好搞笑，自己從來無『come out』，今日（昨日）媽咪代我，我嚟純粹捧媽咪場，親情勝於政治，係媽咪要求我嚟支持佢，媽咪好勇敢」。但她強調，母女二人立場完全相反，「佢嘅立場唔代表我」。她本身是基督教徒，但要求立法：「希望媽咪了解到，立法可以保護佢個女，一日唔立法，長期處於無聲狀態，被歧視要脅。」她說，昨在大會上聽到反對立法聲音，指同性戀者恐嚇反對立法的人，是源於負面情緒，「如果立法，同性戀者有機會表明立場，佢哋有正確渠道表達意見，唔再係無聲一群」。


集會以祈禱、唱詩和分享形式進行。一直反對平權立法的余達心牧師在信眾前口講包容共融，卻指香港有人包二奶、濫交，普遍不被社會接納，「點解唔立法保障呢啲人免受歧視，要特別去保障同性戀傾向嘅人不受歧視呢？」又指一旦同志平權立法，「有乜理據唔為嗰啲贊成人獸交、贊成亂倫立法，去免去佢哋都受歧視？」

何韻詩：宗教要講包容


十多名爭取同志平權人士昨在大會上高舉反對歧視標語要求上台表達意見。惟大會出動近百人在台下組成人鏈阻止。示威者岑子杰表示：「希望政府盡快就立法諮詢，解決無意義嘅爭拗。」

集會上有不少基督徒雖反對立法，但支持先諮詢。80後溫小姐表明不反對諮詢，「因為應該通過唔到，同性戀性行為係唔啱」。出櫃歌星何韻詩昨接受本報訪問時慨嘆：「宗教應該係導人向善、講包容，但聽到佢哋講嘅嘢，都係散播緊歧視或剝削緊其他人嘅權利。」她指社會出現「霸凌」，「去到連諮詢都唔畀進行，真係有啲過份」。

支持平權





「快必」譚得志：
「點解教會唔發動去幫劏房戶發聲，反而齊心打壓同志平權？」





黃國堯牧師：
「恩福堂搞音樂會係粉飾打壓同志爭取立法保障嘅活動。」


反對立法





基督徒譚先生：
「唔使（反性傾向歧視）立法喎，唔通笑人肥仔都要立法？」





基督徒羅先生：
「反性傾向歧視諮詢即係畀同志有下一步，社會價值會改變。」



心靈鴉片148
http://blog.yahoo.com/messiah-dog/articles/977678/category/%E5%BF%83%E9%9D%88%E9%B4%89%E7%89%87