✔ 最佳答案
Over Heat 機會好大, 冷門啲嘅 RAM, BIOS, 底板都可以.
假設係 over heat 問題, 就做點清潔工夫; 以改善 heat sink 同風扇散熱效能; 首先打開機箱, 開一次機留意風扇, 睇睇有無窒吓窒吓, 或轉速太慢, 任一有的話99.9%係風扇問題導致過熱, 關機後再做
FAN: 拆出嚟, 將扇業清潔乾淨, 摩打位盡量都清埋佢, 部腦用得耐嘅, 加小小 WD40 入摩打 (緊記幾滴就夠, 唔好過量, 當然唔加都得), 加入位置係摩打上下半部中間的邊緣, 滴入後, 手動轉幾下, 等十零秒, 再轉幾下就OK, 邊有多出嘅就搵紙沫乾佢. Fan 呢 part 就搞掂, 裝返之前做埋個 heat sink 先.
Heat Sink - 唔駛亦唔好拆出嚟, 好易死 U; 微細及散開嘅塵唔駛理, 搵鉗仔重點夾走一舊舊嘅就OK. 中間邊緣都要夾.
兩 part 都搞掂就裝返個 FAN, 再開機試試, 希望方法有用幫到你.
P.S. 其他散熱小技巧, 執好機箱入面啲線, 盡量清空 CPU 附近空間, 做一個好嘅對流, 即機箱入風同出風位中間無阻礙物; 電腦擺放位置附近及機箱本身不宜太多雜物, 及太近牆角.