點解中日就釣魚台開戰，俄羅斯幫唔到手？

俄國做野一向似鄉下大老粗，講就天下無敵，做就有心無力。現代俄軍海空實力貧弱，實力最強只有陸軍，但仍然只係蘇軍顛峰時期十份一都無。俄國海空軍最頂尖裝備大部份繼承自前蘇聯，通常服役已超過廿年，雖然威力猶在，但未來十年肯定會急速衰落退役。依家俄國想解決呢個問題，不過始終國力大不如前，新裝備數量太少，無法令俄軍再次成為有影響力既國際大國。

風兄提到俄國人既幾個動作基本上只係最基本既軍隊建設，甚至西北風艦到依家仍然唔知幾時可以服役。而且俄國作為大國，造大艦經驗豐富，新型兩棲艦竟然要用來佬貨，堪稱係墮落。

俄軍咁既狀況下，根本無力打海空大戰，當然小規模衝突俄國有較強能力應對，但面對現代化海空軍全面攻擊，俄國除非傾全國之力，否則只會輸多次對馬海戰。

另外，俄日關係雖然緊張，但兩國關係未差到好似二戰咁俄國一定要同中國聯手對付佢既地步。相反，西太平洋地區如果均衡局勢被打破，無論係中國定日本贏，對俄國都無好處，因為俄國太平洋出港航線一定要經過西太平洋地區，俄國自然唔想有任何一方係呢個地區惡晒，若中日開戰，俄國唔乘機侵略我國或站係日本一邊已經謝天謝地，我絕對唔會期望佢會同中國聯手作戰。

Japan Ocean G9
Beijing Ocean G8
Russia Ocean G7