✔ 最佳答案
由順天出發絕唔建議使用23或23M線,因為佢哋要喺四順區繞大圈先至落返協和街!!
去基智,搭九巴26M(觀塘方向)去到"和樂邨"落車,過對面,上樓梯經巷仔轉過去瑞和街,過對面,向車行方向稍行及右轉瑞寧街再一直上可見.
去梁式芝,搭專線小巴60(平田方向)去到"秀明樓"嗌有落,過對面,右轉曉光街,不久再過對面及轉入曉育徑.
去聖安當,搭專線小巴60(平田方向)去到"平田總站"落車,同站轉乘專線小巴24,嗌"聖安當"有落; 或搭九巴26M(觀塘方向)去到"政府合署觀塘分署"(顯示為觀塘政府合署)落車,過對面轉坐觀塘至油塘/鯉魚門紅小巴,嗌"聖安當"有落.
去聖傑靈,搭九巴26M(觀塘方向)去到"政府合署觀塘分署"(顯示為觀塘政府合署)落車,行返轉,過對面,左轉同仁街,右轉裕民坊(中途需另過馬路兩次),轉乘專線小巴36A總站落就到.
2013-01-20 17:46:29 補充:
上面第4段中,如用第一個方法,第二程(即24)落車之後要行返轉及橫過高超道才到聖安當女書院.