對朋友好心淡...

在朋友間感到受冷落的情況應該好多人都試過，但你要知道係唔同班朋友仔又會識多啲朋友，有時候好朋友識左新朋友，既然一齊玩就試下去融入去，你又可以識多啲朋友，唔明可以問，我相信你肯既絕對冇問題。

有時候人會羨慕人地身邊有好多朋友，但一個人受歡迎一定有佢原因，咁你自己又知唔知點解自己冇其他人咁多朋友？
做朋友最緊要打開個心，係朋友就會講得笑接納你既心，就算認真又好，講錯野都好，朋友都會原諒你。其他同學笑你其實冇咩問題..唔開心係會既，但你要諗諗佢地唔了解你，或者你地根本冇諗過去了解對方，如果大家都在對立的狀態，沒有一方會去先了解，咁你同佢地的關係一直都會咁，唔好怪人地笑你，唔了解你，問題你自己有冇試下主動去了解對方呢。
抄功課個邊，有時可能你可以借講下笑既語氣話下佢地，睇下佢地咩反應啦
好似"我好似同係唔係好熟炸喎(笑)" 這樣的情況笑笑看，同朋友一齊既時候放鬆一啲，講下笑又好，唔洗咁認真(我見係做人好似太認真了)。

有時候唔好怪人地有咩問題，先諗下自己有冇問題。當一件事發生可能不止一次以上或者更多次的時候，係唔係應該諗下係唔係自己問題，唔好將所以問題放係人身上。就算佢地冇同你講野，你都可以同佢地講野，點解一定要人先同你講野。你學校識唔識到朋友係自己問題，有人主動就有人做被動，我唔知係認為做邊個會較多朋友啦，但事實話比我知做主動既朋友總係會有較多朋友。有啲人把口叻既又夠主動，自然身邊識既人一定會多過你等人尼同你做朋友。

係學校我比較崇尚生活得開心，校園生活係呢個年紀掂既比重太大，點都要對住同學，倒不如好好溝通了解一下，我相信你學校生活會更開心。有唔中意既就平靜講出尼，你唔講冇人會知你心入面諗咩。問問自己有沒有什麼方面做得不好，再看看別人身上有沒有值得你學習，大家都有優點缺點，但你要通過了解先知。所以唔好再企係一邊自己同自己玩就怪人地唔叫埋你。

加油吧，比啲自信自己行出尼識多啲朋友，比啲膽同人講你心入面既諗法

絕對明白樓主既感受...我都同你一樣
對住d唔熟既人真係唔知講咩好...同埋會好緊張-0-

同中學果d朋友一齊果陣成日係比人無視果個...
唔知佢地講乜仲要係到扮有興趣聽-,-....
次次上PE要2人一組都係我做被人掉低果個
感覺超唔好受

我都試過聽到d難聽說話,有次上堂同個so-called fd講野,
坐附近一個平時已經聲大大既女仔聽到
即刻用埋晒d超誇張超激動既語氣話「佢(me)講野啦! 佢竟然講野!!!」
呢d人好黑人憎
仲比人話過自閉添...-.-

所以對於學校有無真心朋友呢件事已經心淡~
學校無fd? 由得佢囉~
反正網上、興趣班呢d都可以搵到真心朋友
我大多數真心朋友都係黎自網上...得一個先係學校識

樓主唔好為呢d唔肯拎個心出黎同人做朋友既人感到低落啦,
反正又唔係日日夜夜要對住佢地
況且有時自己一個都唔一定係壞事黎既...;P (死喇我都唔知係未比人無視得太多所以開始享受一個人的生活 (?) TAT

如果有心事歡迎搵我傾;P
MSN> [email protected]

好辛苦姐,做返你自己,唔好過份在意人地既眼光...

um.......
每班都應該有個同你一樣既人
我以前都差唔多係咁 唔多點講野
可能你咁岩唔好彩遇到d衰同學先咁

你呢d應該係見你唔出聲 唔敢反駁 先得串進尺

"放假既時候冇人搵我".
咁點解你唔試下主動約人呢?

"乜你識講野架. 我仲以為你係啞架添" (係男仔講定女仔講嫁)
有d恰你既成份wo

搵你抄功課
咁我諗你成績都應該幾好嫁啦
繼續努力讀落去

試下有一日 突登冇做一樣 搵番佢地一齊抄

然後同坐係你隔離果個人著手
坐係隔離最容易做fd
同佢講多d野
d人見變到熱鬧就去邊到嫁啦

你話"我只係同比較熟既朋友先有野講"
咁人地咁樣話你果陣 咪咁樣答番人囉

加油啦

或者試下改變自己

2013-01-16 20:24:38 補充：
"就算行埋一齊. 我都聽唔明佢地講乜野."
咁咪試下你自己打開個話題囉

你整係防守 配合

主動下啦