電腦開機藍畫面問題

解決辦法︰

在藍屏出現時快手按下 Pause 鍵，定著畫面，把白色字上面一句類似 OX123456789 的字樣抄下。上 Google 查，會有精準解釋。

多時這顯示乃硬件問題，暫時疑猜是記憶體或底板上出事，但查 Google 後方可定實。

最好盡快查修，因機件可能近未期，再強用可能開不到機。

估係 window 開啟檔案問題, 原因可能係中毒或比其他程式撞死咗開機檔案; 因實在唔知係咩系統, 廠機/砌機, 「輕機」畫面, 藍畫面講咩.....等, 只有一句 "玩玩吓無啦啦", 抱歉答你唔到確實原因同點做.

但你還可以試試: (試之前請確保已 backup 所有 data, 並有心理準備可能要重裝 window)
1. 建議趁仲開到機就 backup 好啲 data, 有事無事好都有個保險, backup 好後最好搵其他機 check 吓有無毒.
2. 如果係用同一軟件同「輕機」, 那幾可肯定是該軟件造成問題. 方法係唔用該軟件, 或上網 check 吓有無相應解決辦法.
3. 用「系統還原」, 還原返去出事前的日子, 如果係註冊表問題, 呢個都有啲效.
4. 插住隻 window 碟開機, 選修復, 呢個方法會裝返啲無咗嘅 window 檔案, 經驗上試過OK但例子甚少.
5. 裝過個 window, 一了百了, 但事先準備好硬件嘅驅動程式, 及事後花大量時間裝其他軟件, 設定, update, 及落data.
6. 如果防毒軟件未係最新狀態或根本無用嘅, 裝返個同 update 到最新啦.
7. 癈話講句但係係最好方法, 搵識整機嘅朋友睇睇, 等佢同你整
8. 如果你帶返去買機嗰度, 多數收錢或唔搞, 因為係軟件問題. 記得問清楚整唔整先「台」部機去, 同記得帶埋買機時啲碟.

你部機硬件應該無問題嘅, 搞好個 window 後唔打機做簡單嘢都仲OK嘅.