(20點！)一堆模型問題~~高手請入

我都有玩開模型，用開噴槍上色做陰影，都識少少改造，大家交流一下丫~
1&2. 我用模型膠水做無縫，都係等佢乾透之後先打磨，未試過有收縮的經驗，你有試過嗎？會不會是因為膠水未乾就打磨？
3&4.旺角洗衣街千里達或者英明模型都有，或者去廣華街D模型店都有好多﹗
5.因為新安州的袖子太複雜，所以唔建議用遮蓋。新安州袖子如果要靚同方便，可以先噴金油(mr hobby color 或gaia油)，乾後全噴黑色珐瑯油(雙星)。乾後，用雙星的thinner抹走金色紋上面的黑油露出底下的金色，效果就好靚仔﹗(大部份人都用呢個方法)
6.刮漆係無得避，只有自己小心D。如果是關節位的話，可以用刀仔「片」薄會刮到的位置，關節就唔會刮漆。盾牌夾落隻手的位置可以cut左佢，用磁石代替，亦都可以防止刮漆
7.上油後入墨線，要利用兩種油的不相溶性。以mr hobby color油噴新安州為例，先噴完紅色，全乾後未上保護漆前要滲墨線。滲墨線其實很容易，只要把珐瑯油(雙星油)的黑油開稀，要好稀，稀到可以流動，約1:7-1:10thinner比例(其實自己感覺會比較好)。之後用眉筆點少少黑油，滲入黑線位，D油會沿住條線流。等滲完後，就用珐瑯油thinner 抹走出界位，就OK完成了﹗但這部份要留意，mr hobby color油唔可以用消光油，只可以用半光或光澤，因為消光色表面粗糙，滲墨線後會抹唔甩出界的黑色。等滲完後，可以貼水貼再噴保護油統一光澤度，就大功告成﹗
8.可以用水貼軟化劑，貼左水貼上零件後再滴一兩滴上去，再用棉花棒碌下碌平佢就OK，不過要小心，水貼加左軟化劑後會變軟變薄，所以好易爛。
9.噴筆噴保護漆會薄D同易control好多，而噴罐出氣量於就用完時會改變，如果上完色後因為個罐唔生性噴死件件就唔好。所以有噴槍就最好用槍。
**另外一提，如果之前未用過噴槍上色的話，需知道噴油之前要全部件先噴畢地(或稱噴灰)，鮮色件要噴白畢地，沉色件要噴灰畢地，噴完畢地先噴油。此外，如果要噴金屬色，如新安州袖子的金色，上色的次序是：灰畢地、光沢黑、金色，之後先做珐瑯黑油的處理。在噴金屬色前打黑底，是因為金屬色是半透明色系，如果唔打黑底會好難出到金屬感。
希望以上意見可以幫到你﹗

2013-01-17 17:40:24 補充：
磁石方面，當然唔係隻隻都得~
最好係問問老細隻磁石定唔定到MG個盾(例如)
但其實如果係新安州的話，用磁石唔係太好，無記錯嗰個fix盾位係曲面，應該會易甩，而且新安州個盾好重，如果裝埋反MS火箭砲就一定重到甩落黎~

水貼同刮貼唔同。刮貼係直接刮上去，刮左就甩唔到，但係水貼仲顯的時侯係可以移動的，唔怕貼唔啱位。水貼軟化劑對刮貼無用。
如果刮貼刮曲面，要睇下有幾曲同埋本身張刮貼有幾大。(如果提供到那盒模型那件件可以講講，一齊諗諗交流下)

2013-01-17 17:40:32 補充：
我的做法是先剪出刮貼，之後放在件上度度位。再把刮貼將會貼到曲面位的位置剪開。這樣，就可以避免刮一大塊在曲面時難handle。之後，先放其中一part刮貼上去，對啱位，再慢慢用鉛筆在刮貼上刮。刮到塊貼的膠面黑哂，就remove膠面，KO左一part。之後用同一方法貼另一part，但要小心，因為cut位要對得好齊，如果唔係就會見到明顯cut開左。
如果有水貼就用水貼好好多，刮貼好易出事，之前我試過刮刮貼因為塊貼本身唔乾淨，結果刮埋D漬落件件度。
之後有問題可以直接email我，我的email是nycbwy雅虎香港電郵