比人串唔識反抗，係咪人人都會比人串？

我好懦弱，比人串都唔識反抗，啲同事好串，開頭會笑笑應對，有少少尷尬樣，因為我唔識點反抗，但佢地覺我好恰，於是我黑面，正中佢地下懷，佢地中意睇人難堪，我唔識點有氣勢唔好比人覺我好恰，唔識大方地將個關係扭轉，我面皮薄，比人串會成個人震哂好似好驚好懦弱敢，笑又唔係喊又唔係黑面又唔係，之後無限loop點解要串我，乜我真係敢好恰？

我已經唔該前唔該後盡量都唔接觸好冷漠，點解仲要搞我，點解我唔反抗，我好無用，好憎自己，係咪人人都會比人串，係咪比人串後既反應先最重要，我感覺自己好懦弱，懦弱定eq高我已經唔識分，我係女仔但我覺得自己自尊高到好似男仔，我好憎比人見到我懦弱，膽怯，但我就係比人有敢的感覺，然後討厭自己。我唔敢比我啲朋友知我敢懦弱，敢膽怯，比人恰，在朋友面前我好開朗好有自信，每次同朋友好開心地聚會，又諗番自己係公司比人恰，我就好sad, 點解我唔可以係公司開朗啲，我好怕比熟人知我原來係敢懦弱，敢無用，人際關係敢有問題。。。