初戀，失戀了

有人話，初戀總是失敗的，我終於明白。我同佢系埋一齊左3個月，可能系一段好短好短既時間，但系我真系好愛佢，e+無時無刻都諗起佢，雖然試過儘量忘記，但系，個心都會好唔舒服咁。之前，我同佢講左一句說話，佢就嬲左我，我事後同佢講我講笑架，唔好當真，跟住佢就話原諒我，會理翻我，但系翻到學校，當佢見到我，就好似唔多開心咁，我問佢野，我想逗佢笑，佢都無比到反應，但系同其他既男同學就傾得好開心，跟住，話打比佢佢都會話有事唔得，以前，我同佢有講有笑，但系e+無論我點同佢講野，佢只會膚淺一下，跟住就同有個同佢都幾熟既男仔傾，笑得好開心。我自問已經用盡一切既方法去挽回，但系佢都系比我一種唔想理我既感覺。我覺得系我搞到佢唔開心，見到我佢都無乜笑容，只會系到搵其他人，佢從來唔主動咁搵我，今次更甚，佢話佢會多d搵我講野，但系就算我行到埋去都無理我既意思。我覺得既然系我令到佢開心，而佢又有d唔想同我繼續一齊既感覺；我無幾耐之前就同佢講左分手，因為，我覺得我已經不在佢心中，我同佢講分手佢都只會話:你中意啦。無論如何，我都好想佢開心；我系一個都算成日笑既男仔(中學生)，好中意搞gag咁，跟住全班人一齊笑，但系e+，我好努力咁去嘗試，不過無論如何，我都笑唔出，但系我都需要強顏歡笑，唔想比班同學知，因為佢地知道左都唔知會搞出乜事，佢又會唔中意；我又無可以同我談心既朋友，屋企人又只會一味地煩同教訓我....失戀不一定是負面，它能令你成熟，讓你有下一段更美好的戀情既準備，有朋友家人幫你什麽的大道理我都知，我試過咁去諗，但都無法脫離，我點先可以變翻之前咁？ 可唔可以幫下我？

希望我既不成熟唔會令大家見笑