中5畢業, 7科合格, 工作中, 想進修

首先, 你點解會想讀返個degree? 希望薪酬高D? 但而家好多大學畢業生都人工唔高, 例如讀會計既畢業後一般只搵得8k-9k左右, 因為商科太多人讀, 競爭大, 要讀得TOP先會人工高... 你都話自己讀過會計, 覺得讀唔黎, 咁其實暗示左自己未必係讀書材料。 咁我諗就算比你讀大學, 你或許會感到力有不逮, 到最後若只得3rd hon畢業既話只會浪費左金錢&時間。

另外而家既asso/hd良莠不齊, 而且要讀得TOP先升到U, 尤其係商科, 即使升學率高既asso都只係10個得1-2個升到8大, 其他只能升你唔想讀既top-up degree/冇得升, 因為太多asso/hd有開商科, 所以競爭的確好大; 佢地升學率高多數係靠工程, 理學果D科, 但你唔係理科出身就免談了。加上你有穩定工作, 點兼讀asso/hd? 讀呢D 副學位既人大多數好博, 你要讀都要辭工全心讀先同人競爭倒, 但咁樣又放棄左份工, 而且努力與成果是否成正比又係未知之數, 到頭來會唔會一場空?你應該知asso畢業同中5畢業係冇分別, 而且高不成, 低不就。

如果你讀書唔差既話當年應該升到中六, 而家就唔洗考慮呢D問題。 以上講既其實係想你做呢個決定前三思, 會唔會日後後悔此舉? 其實我覺得你搵到份穩定工作已經唔錯, 我個人認為工作經驗重要過學歷, 要學歷真係好優秀先會高薪厚職, 普普通通既大學生VS一個學歷唔高但在職場醒目既人, 其實待遇唔會差好遠。我識個FD中5畢業就去做salesman,做左5年而家都有40k一個月。

若果你真係想進修既話, 我會建議你讀ive HD, 因為迎合到你既需求(早返工, 晚返學)。點解你唔考慮ive? 不要羊群心理話ive差, 佢認受性其實冠絕副學位, 比起asso讀既野實用好多, 對工作最有幫助。另外你可以進修下英文, 考下試例如IELTS咁, 如果你會考成績一般, 考個IELTS 6.5或以上已經show到比僱主睇你有心進修過, 晉升機會都大D。

考慮下BBA HD吧~
http://www.vtc.edu.hk/admission/chi/course/course-part-time-ive-hkdi-sbi-pte5-courses-old-25909f.html

或者我講得直接/偏激左D, 請見諒。 若你唔認同我既某D觀點, 請提出再討論吧~

2013-01-12 21:58:18 補充：
DL既學習形式雖然具彈性, 但好講求自律性, 聽講一個月先得一堂面授, 所以好難識到同學。你要問下自己接唔接受到個形式, 有冇心騰出工餘時間黎讀書, 有冇真係好想讀上去既推動力; 否則讀黎只係枉然, 浪費既係金錢&時間 (唔少人都中途退學, 真正畢到業既人唔多)。若你有好大決心既話, 我會支持你讀ou DL既, 見唔少新聞都話公大畢業生既平均薪酬過萬, 的確可以改進你既就業前景。

2013-01-12 21:58:29 補充：
前提係要讀得好, 揀真係有興趣既科黎讀, 當然唔一定bba, 既然讀過覺得麻麻就多d發掘興趣, 例如睇下語文/電腦/教育等等岩唔岩自己。呢點好重要, 因為ou係易入難出, 好多人都可以好似你咁讀ou, 所以要勁過人地先可以脫穎而出。 ive就較有規律咁上堂, 讀完出黎雖然幫助不及ou, 但係較穩陣; 讀OU要冒住讀唔讀得黎既風險, 課程深度廣度都高要求好多, 要承受較大壓力, 可能要花好多年先畢到業。自己衡量下現時就職狀況&有冇能力應付ou課程而作出抉擇吧~