煩惱 幫幫我

今日本身要番學 但我扮病冇番了 我都唔知咩事 放左咁耐假 第1日番學應該係好開心 但我今日竟然沒有番學 我還在諗幼稚的野 如果有多10日聖誕假就好了 不停咁諗幼稚野 我係學校係過得好唔開心 只想快d拎到中學張野 証明我有中學程度 但我擔心我會唔再讀書 我真係好唔想番學囉 唔知係咪放假放得太耐 假期通常出街玩下 行商場買下野 打下機咁 冇咩特別野呀 但我成日接近天光先訓 跟住訓到下午3or4點 所以我真係好難習慣番 12點前訓 7點前起身 我今日又冇心番學 訓到1點 我都唔知自己點了 都要為下第日諗下的 我現在只是知道 我再不上學我話 大過只會做垃圾 但我一諗起番學就好想死咁 成日打機忘記番學的野 還有 我間學校band3 番去都唔會學到幾多野架啦 不如唔好番 我成日咁諗- - 因為我上年成2個月冇番都比我升到中三- - 我覺得間學校好冇要求咁...... 咁間學校冇咩要求 自然學生就會變壞 我升左中三之後 成日比人言語攻擊 依樣野都係令我唔想番學的開始 我人又懶 天氣又凍 自然就唔想出街架啦 但我咁做同廢物有咩分別? 所以我真係好想番學 但點解我一諗番學就好想死咁? 點解我份人咁怕事?比人言語攻擊咪算囉 反正最多比佢攻擊下姐 好快講完架啦 究竟我點解會唔想番學? 我好想搵社工傾下 社工幫到我嗎? 因為我呀媽都有精神病 所以經常有社工來我屋企的 佢地都有同我傾下計既 我應該點做? 唔想做一個廢人呀 但我真係唔想面對學校既野 接近exam 好煩囉 好大壓力 一係就唔做一係就做到最好 我成日都咁諗 依個諗法係咪唔應該再諗?仲有我一諗起個種恐懼場面就唔想番學了