好悶,太少朋友

我19歲,男,現在讀緊大專,但係平時內向,身邊好少朋友,本來中學都有幾位朋友熟絡,但畢業後大家都各散東西,做野嘅做野,讀書嘅讀書,
我依加讀緊ASSO,成績應該算中上(平時無咩活動,自然多時間温書),過左一個SEM都未揾到真心好傾嘅朋友,我本身都無咩活動玩開,好少運動,得閒都係睇下動畫(好少打機),有特別嘅興趣就係變魔術,本身我都比較好學,鐘意睇書尤其係冷知識果d,性格可能比較理智(處女座),唔追星/劇,有時會睇下電影,
我覺得要揾相同興趣嘅朋友都幾難,我網上都係好少朋友,而且我亦都唔鐘意上網識朋友,最好就係有d社交活動可以識下人,例如工作坊果d,可惜身邊無咩人可以帶我去呢d活動....

我平時唔講粗口,對人都算nice,有時更加係表現得好熱情,但一d不道德嘅話題絕對唔會開玩笑,剛識我嘅人可能覺得我悶,但我有時會唔覺意做左一d kai野...有d人可能覺得我有趣,可是如果沒有共同興趣,交流好難深入下去,所以識完人頭幾日好似幾好傾咁,但都係做唔成朋友,真係好後悔以前無咩興趣

我好想擴大社交圈子,好想改變,我願意改變自己嘅性格換取一段珍貴嘅友誼,我好明白人愈大愈難識到真朋友

別人眼中我可能係宅男一個,我都覺得係,我好想改變,識多d朋友,但唔係濫交果種,我只想尋一段真摰的友誼,並非君子之交淡如水,或酒肉朋友,或者咁嘅友誼只有經過長年歲月才可以得到,但我相信呢個絕對係我最需要的...

可能我對朋友定義太高,或者我係一個完美主義者,但我絕對清楚自己想要嘅野

我講得咁詳細,相信你們都清楚我係咩人,如果有人覺得可以同我試下做朋友,我絕對歡迎,我會努力維繫一段純真嘅友誼,但我唔希望有人踐踏我對一段純潔友誼嘅期望,千萬別期望我會不斷用金錢維持一段友情,但我唔會吝惜作為朋友的付出

最後,我不希望你們因為可憐我先同我做朋友,我一直孤獨,但比起孤獨,我更怕被別人可憐,或者,真心的話誰也可以跟我做朋友

我唔係徵女朋友,有心的話男女都可,如果有人跟我有相似經歷,請不要再隱藏自己
有意跟我交流的話,可以留下聯絡方法,謝謝
(謝絕任何人張貼廣告,貼一些無關的新聞)