尋求另一種看法(sor呀，都幾多字)

＊＊＊謝絕任何廣告！＊＊＊＊＊＊匿名發問 ，不好意思！＊＊＊ 好灰(笑~)，好唔想返工 我做咗幾年嘢。我本身係一個手腳慢嘅人，而且無咩自信心。面對一啲人會好驚，搞到語無倫次。 我前年年底入依家呢家公司，handle咗一個客幾個月，之後再轉另一客。兩個客開頭嘅時候，唔熟，驚做錯，所以搞到好夜先正收工。(公司5點收工，嗰陣好多時都7﹑8點)但之後通常都5﹑6點。 依家呢個客喺10月轉咗另一種交貨方式，加上11月中開始新單係平時嘅2﹑3倍(之時都係60﹑70張)，所以我就搞到7﹑8點。11月底，一位上司就(重新)「指導」我。我從中確實學到一些方法，但有一個方法(是整個工作流程最花時間)去覆期，唔係減輕，而係加重，我要睇多咗嘢。新的交貨方式，加上百幾張新單…至現在，情況仍沒有改變… 「使唔使我重新再教你呀？」à唔使「點解都係咁？」à努力改善中「點解我教咗你啲方法，你唔用？」à唔係唔用，係做唔切；我都覺得您教嘅部分方法唔錯，下次用「你係咪唔熟個流程？」à唔係「你係咪要我唔理你？」à唔係(有時任性啲諗，畀番啲空間我呀…) 以上呢啲問題，佢係成日用超高音問(我幻想佢頭上多咗對牛角，同殭屍牙，指甲尖而且深紅色，拿住皮鞭……)，我腦海就會出現後面嘅回答，把口就支吾其詞。我有自己的想法，但唔識講畀佢聽。我明佢抽時間同精神教我，已經好好。(11月底嘅時候佢成日坐係我隔離教我，我明佢都要自已嘅嘢要做；亦都係佢坐係我隔離，不停催我呢樣嗰樣，我就好驚，出咗超大的錯，影響成間公司)不過…好似昨日咁，佢問我點解唔入單先，咁supplier都放假，昨日入今日入，都係今日落單，我咪睇咗啲交貨期先。佢就話兩樣嘢，無關係。6點後把我思想教育了45分鐘…(放過我吧~) 好多嘢都延後咗，我明咁樣會影響其他同事，我都唔想成日賣人情畀同事。我已經趁呢兩三日客同supplier都放假，努力清緊啲嘢。 我打算2月底遞信，我明白我咁嘅性格，去到其他公司都一樣。其實呢間公司已經好好，無「宮心計」，至少我睇唔到。 請各位幫忙，請問我點樣睇呢件事先正會舒服啲？謝謝！