點做好??求解答

我諗如果個女仔有時搵你傾計，又搵其他男生傾
個人覺得佢應該當你係朋友　
但係你有冇諗過自己爭取幸運？
我明白呢個年紀既青少年對呢種話題好敏感
一比人知佢中意邊個就即係否認，仲要專登拉遠距離

其實中意一個人冇錯嫁
我覺得你可以同你班兄弟講你中意佢
等你班兄弟傳播出去，再睇下佢有咩反應
如果佢好反感既話當然你就應該放手啦
但係多數女仔都會嚇親，傻笑，再諗係唔係真
咁就當係比個心理準備佢先

你今年就對佢好啲，關心同照顧佢
表現出你最細心既一面(仲要比佢覺得你剩係對佢好)
自己就做個好學生(有禮貌，聰明，有負任心，做事認真)
呢種男仔最容易吸引到女仔

但係唔好表白住，畢竟唔知佢對你有冇感覺
到你覺得佢對你既態度同對其他男仔唔同...
咁你就可以同佢傾下啦，最好梗係今年之內搞掂啦
加油:)

2013-01-02 18:07:19 補充：
話時話，唔係9月先分班咩
應該仲有半年機會嫁?
有咩特別既節日 例如聖誕,新年,情人,愚人,佢生日etc
送張卡/禮物比佢 寫"我當你係最好既朋友"之類
佢知你重視佢就唔會唔記得你啦(雖然係朋友個種)
多d搵佢傾計/msn/fb chatrm/wtapps之類
講下呢排有咩趣事/請教佢學業上既問題
總之就係冇野搵野黎講...

2013-01-03 20:49:31 補充：
得閒約成班上年既學學出黎一齊玩
去唱K呀, 打邊爐, 燒野食...咩都好啦
總之就一齊Gathering為名義
你就多d搵機會叫佢陪你, 同佢講下野
幫佢 酙茶遞水..關心下佢 個d啦
同佢做好朋友先 :D

聽落覺得佢當你係朋友多。
唔想佢忘記你，不如囉佢電話，同佢响 whatsapp 傾偈吧。就算以家當你係朋友，都唔代表第時唔可以拍拖啫。
whatsapp 佢，睇吓佢覆唔覆，覆嘅話係唔係比啲 one-word answer 你，會唔會同你撒嬌，etc
如果佢會覆你（唔係敷敷衍衍嗰隻）.. 咁可以大膽啲，同佢傾傾關於校外嘅嘢。。。例如 “有無睇嗰套吸血新世紀？知唔知好唔好睇” OR “個friend話銅鑼灣開咗間新日本餐廳，好似話超好食” 。。睇吓佢咩返應。如果佢話“哦”。。咁即係無意思同你出街啦。。。咁你都無直接問佢。。。都唔算食檸檬吧。
如果你哋保持聯絡，咁無乜理由會忘記你嘅。

不過。。。你要諗諗你哋夾唔夾，係唔係竹門對竹門。佢係校花，全班男同學都封佢做女神嗰隻嘅話，你都最好係校草吧。。。