我到底係咪鍾意左呢個女仔?

有D長,但我真係想你地可以睇哂佢......
我同佢都係中六學生。
中一至中六都唔同班，大約係年半前識佢。
識左佢之後，我發現我好鍾意係望佢，只要係可以見到佢既地方就會眼定定咁望住佢，佢望番過黎個陣我又唔知點解會立即避開視線。
無論係佢既學業成績、運動、興趣、前途，任何有關佢既野都好想知。
佢同我講野既時候我會完全出唔到聲(對其他女仔又唔會係咁)。
見到佢同第二個男仔傾得好開心又會好唔開心。
所有願望都會同佢有關(生日願望個D)。
所以起初我認為自己一定係鍾意佢，如果唔係冇可能咁「癡線」。

但係最近我發現佢同一個男仔行得越黎越埋,我居然會冇乜反應，我個朋友同我講個陣時我剩係"哦"左一聲......
另外,我發現自己居然有少少鍾意左另一個女仔，而且行為都算係幾曖昧，但我完全冇內疚感(之前我有個鍾意左四年既女仔，我一發現自己鍾意左另一個女仔，尚未有任何接觸，個心就充滿左內疚感，想逼令自己唔再鍾意另外個個女仔。)。
因為呢個女仔樣貌都算幾出眾，所以我懷疑我想知佢既野只係純粹有D"特殊癖好"，只係想收集下佢既個人資料、興趣，並唔係我之前所諗既鍾意佢。
望佢只係太過得閒想望靚女，佢望番過黎會迴避視線同埋唔敢同佢講野只係因為「作賊心虛」，而見到佢同第二個男仔傾得好開心只係因為個個男仔阻住左我望個個女仔。
正因為咁，所以我覺得自己又好似並唔鍾意佢......

總之成堆野砌埋一齊就有種似是疑非既感覺，我唔敢肯定到底自己真係鍾意佢抑或只係某種"怪癖"，所以想你地幫忙判斷下。
因為我本人自認有種一發現問題就尋根究底既癖好，一日未解決我個心都會好唔舒服，而今次我自問又無能為力，所以真係好需要你地既幫忙!

如果有任何問題可以隨便問，只要同件事有關既話，我一定會答!