16歲(好快17)唔識玩啤牌,算唔算唔正常?

啤牌從小就經常接觸,但就唔知點解細個時唔鍾意玩,所以就唔會同人玩,直到e+有d同學/friends叫我同佢地玩,我話唔識,佢地全部o晒嘴,有d仲話真係好難相信(接受),我眼見其他人玩啤牌可以玩得好happy,其實都好想同佢地一齊,但自己又要唔識玩,甚至有人問我,蓋棉胎(聽過下,但唔知係咩泥)識玩掛,我話唔識,佢都話實在難以置信,其實早2年前已試下同人玩左次,佢地只係略略地教下我,同埋我又狂出錯牌,比人炳,之後學學下又不了了之,又繼續唔識玩.......
另外,啤牌我都係約2年前到中三教maths概率先知有52張,仲有入面果d咩皆磚,葵扇,紅心,a.j.k.q,各有多少隻,例如紅色牌又有d咩,有多少張,我都未搞得清楚,所以,d有關啤牌既概率題目都試過計錯晒
唉........其實我都好想識玩,但係又唔多好意思問

我問e條問題只係想知自己e+是否正常,同時自己會開始慢慢摸索一下個玩法,如果你地不介意的,希望你地話我是否正常之外,再講埋個玩法出泥(如鋤大D,蓋棉胎,鬥地主,橋牌,撲克.............)