點樣可以忘記死去的兒子？我冇法停止對佢既思念！

呢個月心情好差，個抑鬱病好似越黎越嚴重咁，好多事都好似係個仔死後發生，開始自言自語；乜野事都靠自已，冇人直得我信！
16年！原來呢16年黎我冇忘記過佢…所有感覺都好清晰，好似係尋日發生咁！
記起我仔失去知覺時…我抱佢出廳…放佢響梳化上祈禱，記得聖經裡面既以利亞3次祈禱就將個細路救返。我都祈左3次，可惜佢冇醒，但個一刻我好清醒，我要打電話…打俾我老公話俾佢聽個仔唔掂，跟著打999叫ambulance，對方教我點做，可惜我喊得好犀利完全唔知要點做，o個個人同我講妳鎮定d先，依家冇人可以幫佢，只有妳…只有妳至可以救佢，我地既人黎緊架勒，妳要繼續幫佢。上到救護車我聽得好清楚佢地教我地到醫院後應該點做。眼睇住個仔響張床到救唔返，醫生講certified，我失控！我發晒癲咁大叫，自言自語，佢地即刻搵左個識講廣東話既醫生黎聽我講乜，‘冇事架！冇事架！只要教會既弟兄姊妹一齊祈禱 就冇事…’個醫生不停開解我，可惜我聽唔入耳，我淨係記得佢講過一句‘如果妳想睇佢妳可以隨時黎，乜野時間邊一日都得’之後每日等老公放工返黎睇住個女，我就去醫院睇仔，每次只能陪佢兩三個鐘三四個鐘，我冇野可以再為佢做勒，只係想佢入土前陪著佢，緊緊抱住佢冰冷既身體，攬下佢唔想佢一個咁孤單。因為要解剖正實個死因，所以呢個行為惟持左都有兩個星期。
佢只有四個星期大，因為腦裡面有條血管出現問題，係死於爆血管，天生的冇人需要負責。唸返起都好耐久，前一晚佢喊得好緊要，冇經驗唔知點做，有唸過叫醫生，但冇發燒冇其它，唸到聽日health visitor會上黎咁到時至問，可惜佢等唔倒！雖然佢無得醫但感覺上…佢早d到醫院的話…可能會減少痛楚（頭暈/頭痛）。
我身在英國。