電腦NO Signal問題?2o點

呢個問題多數係顯示卡不良，如果你有玩遊戲習慣就九成多，先開箱拆除顯示卡，改插底板vga(希望你底板會有，冇亦唔奇)試試，如果正常操作就係顯示卡壞，你可換或不換。如果情況依舊，就試試抽插記憶卡(即係ram)，都係失敗就要考慮換底板，但如果要換底板就不如索性換機，換廠機你可即用，省卻不少裝機麻煩﹗

首先要排除顯卡和示屏因素。

(a) 把顯卡換插另一槽試看，如不成，換插線再試。
(b) 如仍不成，向友借一張同型顯卡 (新舊均可，插腳相同便成) 代入，如
正常，顯卡要換。
(c) 如上無效，換回你卡，再換入另一個 (新與舊均可) 運作正常示屏，如正
常，示屏要修或換，到此乃家中可做之測試。

希望上述可反正。

(d) 如仍然無效，要去舖修，因需要代入底板試，他們會循路代入各硬件
(火牛亦有嫌疑) 直至回常，最後代入之硬件便是弊端。

註︰如是顯卡失靈，可在底板之 BIOS 內轉顯示設定，用底板上內置顯卡代替外插卡 (省錢之道) ，但此道只供普通入門水準，如需要高清，快速打機等便不敷應用。

如真拆機，先斷電源，再用手機拍下箱內一切 (不同角度) 然後進行。