未成年藏有毒品求助
2012-12-27 10:27 pm
我屋企人(A), 17歲, 有正當職業, 有一日(A)喺佢朋友(B)屋企比海關入屋拉左, 當時只得(A)一個喺屋度, 因為驚所以將K仔丟落街, 被海關當場捉到, (A)只係同(B)係好朋友自己冇犯毒的, 另一邊(B)亦同時在屋附近被海關拉埋, 海關話屋有4公斤, (A)手中有1.5公斤, 因為(B)有背景巳由背景人士請左律師比(A)同(B), (A)驚自己另請律師會對(B)有衝突, 而且現律師要佢地咩都吾講, (B)同(A)講會負責番屋內毒品數量, 希望連累吾到(A), 但(B)話律師話吾知可吾可以咁做, 想問我而家可以做咩幫到(A), 想搵法律資詢要點?貴吾貴?如果最壞打算(A)要坐幾耐?因為岩岩過堂咩報告都未出, 如果(B)真係認晒屋內數量, 求到情(A)又會坐幾耐?佢未夠18歲又會吾會判輕D?
回答 (2)
2012-12-30 7:50 pm
✔ 最佳答案
1. 如果a當時只係去探b, 只係剛啱海關入屋時在場, 咁b攬哂上身係可行嘅. 但係海關入屋時a將d K仔丟落街, 已經證明佢知道屋內有k仔, 並想毁滅証據. 換句話即係a當場斷正. 咁b想攬哂上身, 機會好微. 呢單案涉及5.5公斤k仔, 會上高院. 如果開審, 好難說服陪審團a不知情 / 無份參與販毒. 2. 基本上呢單案無得打, 請律師都只係代為求情, 所以由邊個請律師無分別. 如果a唔想用背景人士請嘅律師, 可自行請律師. 一般大狀做求情大約$25000, 連埋律師費大約4萬埋單, 無錢可申請法援. 個人意見: 有哂上訴庭判刑指引, 求情都無用, 所以無謂嘥錢, 申講法援算啦. 3. 上訴庭在 “許守城” 一案中對販運 1kg以上K仔的判刑指引是監禁 14年以上. 最接近a、b嘅案例係CACC458/2011. 在呢單案中兩個被告販運5.5kg K仔, 主審法官彭偉昌法官採納咗22年為判刑起點, 而得到上訴庭認同. 所以a同b嘅判刑起點都會係大約22年, 認罪可減1/3. 即係唔認罪打輸咗就會判監22年, 認罪就會判監14年8個月.4. 有哂上訴庭判刑指引, 未夠18歲不會判輕D. 你睇最近果單 「16歲雙失少女為了300元報酬運送590克K仔被判監6年7個月」, 都係跟案例判.2013-01-05 18:41:16 補充：
thx a lot! long time no see too!
參考: Veni - Vidi - Vici
2013-01-01 4:08 am
peterchan 知識長很久沒見了！近況可好？歡迎再次加入提供優質答案的行列！
收錄日期: 2021-04-20 20:20:38
原文連結 [永久失效]:
https://hk.answers.yahoo.com/question/index?qid=20121227000051KK00176