友誼問題,請求各位解救m(_ _)m

如果我係你我可能真係會疏遠呢個朋友，因為係呢度時間大家都會變，睇係變好定變壞。如果佢已經唔願意同你做朋友咪做番普通朋友，如果佢找你聊聊可以跟佢溝通一下，如果佢真係當你係朋友唔會因為咁少既事而無朋友做，最重要你要了解自己有冇做錯，還是佢有冇認為自己做錯。中學既朋友係重要，但唔好去為左一個朋友而改變你自己既想法。
講真我自己都好憎人同我一齊既時候係咁玩手機，一啲都唔尊重人。語氣重係人都會有，佢唔你大小姐所以你唔洗去就佢。我相信佢交既朋友亦唔一定係真心，如果係你兩個既問題就唔應該放係FB度任人地講，可見佢以為自己岩晒。

你就照住自己想去做既去做，呢個朋友係唔係你想要既？佢變左你仲想同佢做朋友嗎？只係我會靜靜疏遠，因為我當佢朋友我唔想同佢吵。有時候唔係佢唔適合你，可能係自己唔適合佢。

有可能的話大家再溝通一下，真的不能的話就做同學吧。中學生活始終要過，不要因為佢一個人搞到大家唔開心，多一事不如少一事，我認為你刪左佢FB冇問題。或許如果佢想過，還想同你做朋友應該會加番你做朋友。

看清楚誰是真正的朋友

加油~

2012-12-31 20:41:25 補充：
我如果係你，個位朋友再係你地之間再講啲咩我好大可能會叫個位朋友收聲。因為發生問題係你地兩個而唔係個位朋友，而我個人最憎就係啲挑撥離間既人。既然個位朋友好似有你就冇我咁，你朋友又選擇聽佢講咁我唔算。
如果真係有得傾既話，我諗我會單約朋友或打比佢傾下(我個人咁樣聽我唔係好中意個位朋友既朋友)如果佢連聽或溝通既機會都冇就算啦~有時候你在乎佢，佢又未必在乎你。咁樣真係好辛苦。其實你知道你自己點諗既，所以將你想講既講出尼，當然亦都要比機會你朋友講下佢點睇。當然有時希望大家都做好朋友，但有時候唔中意就係唔中意，冇得講。

2012-12-31 20:42:28 補充：
我既話我只係想講清楚，就算佢唔中意點都好啦，我在乎呢個朋友只係想講清楚。唔關任何人既問題，我只係講我心入面既說話，可能你地冇朋友做，但我相信你都會想去講清楚比你朋友聽。朋友既朋友點諗唔緊要，最重要係你同你朋友點諗。如果好既話三個人可能會做好朋友，唔好既話大家就冇朋友做。所以將自己深入既諗法講出尼，朋友係互相包容理解，真係朋友會明既。

2012-12-31 20:43:04 補充：
唔洗唔該，如果有煩惱講出尼有去解決既心係好既。我小學同中學都遇過呢啲問題，最後都解決了，因為大家都把心底個句都講出尼，而同挑撥離間的同學都做了好朋友。朋友係要有吵鬧先係朋友既，有時候大家或一方去主動了解都有機會解開大家之間的誤會，可能會成為好朋友。到現在我小學的朋友還有聯絡的呢~加油~有問題可以send個mail比我^v^/

(因為太多字所以分開了3個內容>///<)