City Chain買精工手錶

我12月20號係City Chain(時間廊)買左隻SEIKO(精工)既手錶, Case No.係 SNQ117P1
我呢兩日發現隻錶入面有唔少塵同有d毛攝住左係錶既側邊(當然係塊玻璃入面)。因為咁,我去返間鋪問點解會咁,佢話呢個係正常情況。佢話可以幫我送返廠度除塵,但又話就算除左塵,冇幾耐又會有返。我問點解,佢話因為隻錶既設計係咁,塊玻璃同錶身既接合位唔係完全密封,我就話我有隻鐵達時既錶,戴左六七年都冇咁既情況,佢就話因為係唔知設計定玻璃唔同。佢地咁講,我真係唔知點駁佢,話曬佢地點都比我更熟悉鐘錶。我新買呢隻錶寫住可以抵抗10個ATP(大氣壓力),亦有防水功能。而隻錶既玻璃係"藍寶石水晶玻璃"。

對此,我有三個疑問:
第一,乜依家真係有d有牌子,又賣得唔平既錶,會有入塵既情況,仲要係正常既?
第二,假如會入塵真係正常既,咁自然都會入水,咁又何來防水?
第三,間野係咪老點我?