前途問題!十萬個火急~~

想提升番學歷 ..應該報讀 中專3年,

1.如果有$,試下找一D教育代理,睇下點搞出國留學

「教育展」/「海外教育展」
好像每年,會展都會有「教育展」/「海外教育展」,個展正式既名唔記得啦,你自己查下。

果度會有很多教育代理公司,你走埋去問D工作人員(可能係代理)如何繼續讀有關設計,音樂,藝術課程,問下本地同外地有咩選擇,幾$?

2.中專3年 / 毅進 /定其他
我唔知咩係中專,毅進(記得好似比0分既讀都OK?)聽人講過讀完好像等於5科合格?不確定.但你要問下讀完毅進之後可以駁上咩基礎文憑/高級文憑/大學
可想想IVE等等,打電話去問,更快更直接
我唔清楚毅進同基礎文憑既分別



3.★★大專學院------------>基礎文憑(association diploma)/高級文憑(high diploma)

以下我所講既係舊制,我唔係中學334,

「3-4%」
香港D高級文憑,2,3年前我讀過space既HD,記得大專學院space講過,讀完high dip,(每班/每級?忘了)最top既3-4%學生,先有機會入本地大學,所以就算讀完高級文憑,未必可以入到大學,唔知而家有冇轉到


「中七-----高級文憑2年」
如果係讀過中七,記得可只讀高級文憑2年,直讀high diploma yr2,但我有識一個人,佢係中七,都從yr1讀起,唔記得係咩原因


「中五,有5科合格(包中英)----高級文憑3年」
如果係中五,有5科合格(包中英),大多數有錢就收,當然你面試既時候態度要誠懇,表達你仲想讀書,如果唔係佢都可以唔收你,因為人地可能會諗大把好態度既F5啦,做咩佢要收一個態度唔好既F5,做衰自己既名(雖然呢D大專學院既名聲都唔方好得去邊)。要讀3年,我唔記得係唔係科科都係3年(i mean可能讀音樂high dip,F5要2年?科學high dip 要3年?),最多唔多過3年


「中五,無5科合格----asso/high dip」
如果係中五,無5科合格,就要睇下佢收唔收你,收你可能都要你先讀asso dip,成績達標,再讀HD, or 有相關等於5科合格既學歷程度,應該係毅進,先讀到HD.
asso冇記錯,多數讀一年,聽講仲有D pre asso,唔知咩黎


「專心讀書?」
但我見唔少人就算讀到diploma,都係玩玩下讀,仲要成日走堂,有D就做model又去識娛樂圈D人,專心讀書?????哈


「認授性----高級文憑」
香港既high diploma認授性你要考慮下,同樣係high diploma,外國既有D high diploma 只須讀一年,等同外國當地大學yr1,只要你達到佢high diploma既成績要求,出席率,就可入相關大學yr2,不過都要努力讀書先得,如果唔係多多$都冇用。唔似香港讀完3年high diploma,都唔等於大學一年,仲要top 3-4%先有機會入大學


★我的感受
a「但求心態都係pass大學畢業」
最後,我想講,我知大把人有$去外國讀,之後上到大學,但個心態都係pass,大學畢業就算。結果,本身呢班唔比心機書,但又有幸出外國讀書既人(真正比心機書,有能力讀書而出國既人除外),有D大學畢業,但因為成績平庸,都係好難有人請;有D仲讀緊,但就成日只識拎部計數機出黎禁,講「仲差5%就合格,呢份功課最少要攞65%,最後總平均分先夠50%」,結果只讀表面當然冇好下場,就算pass,之後既野只會愈來愈深,點讀得好。


b「不擇手段,抄人功課」
我唔係鼓勵D人要只求成績好,不擇手段,抄人功課,抄上年功課,互抄,只讀表面,考試完就拋諸腦後。


c「學到既知識就係你既!!!!誰都拿不走.」
而係想講你對果科有心讀,就真係用心鑽研,成績自然會好,或者收成未必豐富,但學到既知識就係你既!!!!誰都拿不走.


d 所以一讀就要一直用心讀,多D溫固知新。


e「做到相關工作,又唔熟自己以前讀過既野,又要再學過=浪費自己時間」
讀書就專心讀,唔好到畢業後,做到相關工作,又唔熟自己以前讀過既野,又要再學過.咁哂既就只係自己既時間

f「感同身受」
見到你既徬徨,我當初會考出成績後都有你呢種感受---感同身受(不是身同感受。感同身受:原意:有類似經歷所以感覺相似,所以身心都能明白那感受),所以決定答呢個問題.

後話:
我只係個唔比心機讀書既人,死有幸出到國,仲要讀到自己喜歡讀既科,機會不可一不可再.我明白就算出到國讀,都唔方光彩得去邊,因為本身讀唔成書,死有少少家人辛苦血汗既錢,所以我明白只有更比心機讀。愈來愈學到既知識愈多,領略到知識既奧妙,因而快樂。所以如果有機讀書,讀自己有熱誠既科,就唔好HEA讀求PASS,比心機,保持熱誠,加油!!祝你找到好出路!

其實，依家小香港讀到書都沒必有前途。