公司婚紗店利潤分配

經營一間公司,主要分前線及後勤兩部份:前線為銷售,即係搵客;後勤係內務,例如計下數.價值必定在於營銷,簡單講,你每月同公司埋數,冇計錯係應份,計岩哂亦唔會幫公司額外搵多左錢,只有營銷才會為公司帶來利潤.

講番你個情況,公司商譽係屬於你,假如客人係因為你公司,而為攝影部份帶來生意,你係可以較有條件去得到該部份所產生之利潤,例如以攝影部份之生意額既20%,將佢納入為你公司收入(即係你公司係一定唔會蝕),如果對方有利可圖,係會合作.相反,你公司既生意係因攝影部份帶來,則對方可更有條件向你收錢.

無論如何,都應該是2個獨立個體運作,不應該因為個人身份問題而混為一談,因為長遠會有很多問題出現,例如職權,稅務等問題.

2012-12-24 22:27:34 補充：
C不是沒有成本,而是成本由你和A支付.

假如我是你,我會直接開價比C(亦可由C報價),情況等同外判工作,即是說,假如C接工作的收費是100元,你如何向客人開價的權力就由你負責,你開150也好,200也好,C是無權過問,C只要搵自己該搵的合理回報就可以.

我只知道,這種情況下是沒有合理可言,因為大家都會從自己的利益出發,但只要清楚,則問題不大,或者咁講,你打開門口做生意,到底你搵幾多又算合理呢?答案係冇,收得貴收得平都會有不同結果,但最後仍然係,做生意最緊要係清楚.

2012-12-27 00:55:48 補充：
提多你一件事,你最好係一開始就關注自己公司既商譽價值,因為做生意如果太個人化,長遠都係得個做字,客人唔識你唔緊要,最緊要係識你間公司先有用.假如C長期都以個人名氣去爭取生意,之後盤生意就只係名義上屬於你,因為佢一走,連客都冇埋.記住,係識你公司,唔係識你既員工,包括你自己.