中國社科院點名批評黃之鋒,會否因而出現暴風雨呢?

我剛剛看見了一段網上新聞,說中國社科院點名批評黃之鋒在網上煽動香港市民上街反國教,不過,我覺得呢條90後社運青年毛都未出齊,又未夠到個浸玩政治,仲係讀緊書,有書唔讀,仲成鬼日在網上搞社運,呢條友肯定唔嘢少,背後一定有股勢力俾料佢玩及暗中支持啦,不然會搞咁大場SHOW咩?我都係在互聯網上表達吓意見就行啦,自己有正當職業,吹吓水就行囉.
再者啦,我覺得黃之鋒咁玩法,遲早玩出火啦,第一,佢讀完書出嚟,肯定無老闆請佢,加入埋失業大軍,一係寫吓專欄及搞吓遊行幫補收入.
第二,呢條友家陣俾中國國務院直屬機關點了名,咁就大Q鑊啦,分分鐘連返中國內地及澳門都好Q麻煩囉,甚至連去外地,都有可能俾中共特工監控囉.
所以話呢,我認為在互聯網發表言論,都係宣洩內心之情感,但不要太過火,不然就好似呢條友咁,俾中共點了相,唔止咁啦,在香港搞社運?無得搞,最終結果係:一係坐監,二係走佬,除非你本身擁有外國國籍,在外國有物業及資產,在香港一有咩醫郁,就即時離開香港,走佬去外國避世囉.
當然啦,中國社科院咁講吓?香港特區政府都唔知是否會趁機在互聯網搞維穩呢?我希望唔會啦,我都希望互聯網言論自由和思想表達自由完全不受中國中央政府和香港特區政府干預吧!