20歲 前途好迷惘 希望前輩們指點下！！

首先想問樓主你讀左果2年OU的課程係咩課程先？

樓主想發奮上進，第一件事係要知道自己目標係咩，目標呢樣野唔好問人，就問你自己將來想點，唔好人講邊行好景就即刻去做，諗清楚果行係咪適合自己，諗清楚果行係做D咩，晉升機會係點，學歷要求係點，慢慢諗清楚。

其次係要有恆心同有毅力，假設樓主你而家仲係中三程度，屋企又無錢比你讀書，你可能都係要做D"打雜工"一段時間，唔好覺得做打雜就係無目標，打呢D工期間，盡量儲錢，慳得就慳，過程可能好辛苦，但你要同自己講，點都要捱落去，因為無論你目標係咩，你都需要有一筆錢將來去進修。

當然如果樓主你知道自己的目標，可以先搵ERB的課程，呢D短期課程可以比到你一D基礎的技術和知識去應付大部份行業基層職位，讀完有津貼，而且係比較能實際應用，甚少學術性的野。而且讀完會協助同跟進你搵工的情況。

如果之後要進一步進修，想讀番一D真係有一定資歷的課程，例如(高級文憑/副學士/學士...ETC)，如果真係想讀書而無錢讀書，可以搵下一D認可的課程(最好係大機構，唔好信出面D學店話好快就可以畢業)，然後去睇下政府學生資助辦事處有無合適合的資助/低息貸款，筆錢可以比你讀完畢左業先分十年攤還，不過再次提醒樓主，一定要搵大機構(職業訓練局/大學專業進修學院..ETC)，唔好讀一D學店的無用課程，到時錢又要還，張學歷又唔認可就無謂。

我諗以樓主你所提供的資料暫時可以幫到咁多，希望你真係搵到自己要行的路，一步步向目標進發。

2012-12-17 12:22:27 補充：
OU遙距唔易讀，要好有毅力同自律先得，但樓主都讀左2年，證明樓主都係一個有上進心的人，不過唔知樓主你暫時個進度係點，但埋樓主你係咪鐘意文學先？

我認為您想搵到錢又要有前路的, 我建議您不如去建造業訓練局讀金工、電工、木工等。例如電工, 有a牌 現時平均每日工資達數百元以上, b 牌 c 牌更多,

況且, 金工、電工、木工等屬專業人士, 有保障。這些屬於工程行業, 社會對於這些是有需求的。

首先, 我會建議你先了解自己適合做咩工作先....
你試下去以下政府網站睇睇:
http://www.e-start.hk/
佢地有個職業潛能評估,
應該可以幫到你找尋目標工作...
之後你再留意下點再入行之類,
咁就唔駛走冤枉路啦...

你需要錢，除咗借貸之外，讀書幫你唔倒，高官月入十幾萬，但你知否佢捱咗三十幾年先有今日，遠水不能救近火，你只好捨棄你的慾望，你無所慾就自然無所求，有謂人到無求品自高，你明白嗎﹖放棄吧﹗