台灣國立大學收費

僑生係唔會有學費減免，不過你可以註咗冊後，申請清寒助學金，只要你家中有申請綜緩／住緊公屋／在學的老師、校長的証明信或者其他証明文件，証明到你是清貧學生，咁就可以申請。至於國立大學的學雜費，一個學期大約由兩萬二至三萬蚊台幣左右，視乎你係讀咩學系。而宿費亦由六千蚊台幣到三萬幾蚊台幣一個學期（不包括寒暑假留宿），同樣視乎你同幾多個人一間房、宿舍的新與舊、宿舍是否有冷氣而不同。
至於生活費，我答唔到你，因為唔同地區的生活費會有差別。加上每個人對生活質素的要求會有不同。但我可以到你係北部地區的生活費會較南部地區的生活費為高，大城市的生活費（如台北市、高雄市）亦較鄉郊地方為高。
你同好多學生都犯咗一個好大毛病，就係以就業出路嚟揀科，你應該係以你的興趣為揀科的第一條件，而唔係出路。