鐵閘噴油,邊度買?幾多錢?

我認為你可以自己做,因為報價比你,你直頭唔會做.

1. 先將舊閘清潔,包括用砂紙將舊油作輕微打磨.
2. 到任何一間五金鋪,買"日本手噴漆",大約30蚊支,要用大約3支,唔好貪平買其他品牌,做死你.
3. 用報紙包好鐵閘附近既地方,唔係就會噴到周圍都係.
4. 噴既時候,先噴難噴既地方,最後先噴易既地方.
5. 應該要分幾次噴,第一次噴,唔係幾上色好正常,等佢乾左先好再噴(約30分鐘),太心急你會後悔.

呢件事唔難,按步就班就做到,正常黎講18個小時可以完工(你係可以分好多日做都得,唔好做得太辛苦).


2012-12-15 23:32:40 補充：
朋友,就係因為鐵閘多難油既地方,所以先選擇噴,再講,就算唔係噴,都唔係油,係用威士將油掃上.

噴同油,除左材料成本,時間成本更關鍵,你諗下如果係油,要油幾耐,同埋真係油到手軟.

噴漆只適用大面積地方，欄杆鐵枝等只會浪費噴漆，用手掃上油漆就可以，五金顏料舗有售。