旺角邊道可以買即影即有的相紙？

同上, 你無講用咩型號同想要咩相紙, 真係好難話到比你知係邊度買…

如果係一般現時有生產既, 你可以去返旺角永城 (約係花園街91號左右) , 佢有個部門係專賣菲林野, 佢大路既菲林都有得賣.

星際城市三樓比較入既位置記得佢有間店有得賣. 比較小留意所以唔肯定….

另外, 如果你要既係保麗萊用既即影即有底片, 有時候信和既格仔店, 兆萬既格仔店有時都會有, 不過你就要多D掃街先會有.

如果你係用FUJI INSTAX MINI既. 其實佢既底片好多沖印店都有得賣. 唔一定要旺角…如黑布街85號左右有間影相店都有得賣…

不過都希望你講返你自己用咩機, 同埋想要咩相紙先得…..

** 以上地址路名皆係GOOGLE MAP街景度睇到, 號數有可能和實際有別

2012-12-16 20:38:20 補充：
Fuji instax mini既底片由$60-$100不等， 睇下有咩公仔同係邊買。。。白底片好多晒相店都有賣， 價錢都係最平(約$60上下).有公仔既唔係間間有， 要掃街搵。。。沒記錯旺角永城有賣， 信和格仔店都有。

2012-12-17 00:01:22 補充：
講漏左。。。一盒十張。。。

西洋菜街和山東街交界處有個星際城市，裡面有幾間攝影器材鋪，東西都幾齊。
唔知你用咩型號的即影即有相機（唔同相機跟唔同相紙，並不通用），所以答唔到你大約幾錢。