前幾日跌親 崩左兩隻門牙(有一隻裂左)

前幾日我跌親仆崩左兩隻門牙
左邊隻崩左下面好小好小 但係裂左而鬆鬆地(係裂痕係中間位)
右邊個隻就崩得多d 約1/3多d

跟住我前後去左2間牙醫診所,
第1間(某間私家)就同我照左x光,叫我左邊個隻門牙杜牙根+牙套
而右邊個隻補牙就得
但由於個陣得我1個人去加上我冇帶咁多$
佢叫我返去同屋企人傾下先..
之後個醫生就暫時同我補左左邊個隻門牙先 ,等佢唔好鬆

第日我再去另一間牙醫診所(天悅非牟利個間)
我就叫佢幫我補左隻右門牙先,然後我問下佢左邊個隻應該點
[同佢講哂另一個醫生要我杜牙根個d既野]
跟住佢問我左邊隻門牙有冇痛先,我答佢冇
因為真係好似補完左邊門牙就唔覺得疼痛...反而右邊痛d
然後佢就話如果唔係痛就唔好杜 因為佢講話牙神經就咁會冇左
唔好亂咁杜 到真係覺得痛、有唔妥先杜牙根+牙套


我想問如果我而家淨係補左個2隻牙就算,而唔去杜牙根+牙套(左門牙)
長遠會唔會有d咩問題?我應該信邊個講既野??

雖然我而家食野唔覺得痛,但而家個feel好似變左兔仔牙咁合埋口覺得有野頂住&
香口膠痴住既門牙咁.
如果用牙套會唔會都係咁??

同埋依家食野成日到覺得補左個部分會跌出黎(特別係左牙)
如果用牙套會唔會堅固d??

最後,我想知飲食上我要注意d咩??以後都唔可以食硬野+凍野+軟糖etc??
(而家食太凍野隻牙有"小小"麻痺既感覺)
同埋我想知有冇得就咁帶牙套而唔杜牙根架??

以上有好多疑問,希望有好心人士提供專業既意見 thx!