冇一齊過, 依家大家仲有感覺, 但其中一方想"做住朋友先"

幾年前男仔同女仔, 大家都鍾意大家, 但係大家都冇講出口, 個女仔一直覺得個男仔唔係鍾意自己, 佢又覺得要對住一個自己鍾意既人, 但對方唔鍾意自己, 好辛苦, 佢成日都喊, 而且想專心學業, 但個男仔對佢影響好大, 就唔想再同個男仔聯絡

個女仔本來想表白, 想知道個答案, 就算個男仔唔鍾意自己, 咁都可以心死, 但佢冇勇氣表白, 又已經係心裡假設左個答案:"唔鍾意", 另一方面又覺得就算個男仔係鍾意自己, 就只會更煩, 唔知應該拍拖定係點...
結果佢只係同個男仔講"因為你, 我成日好唔開心, 不要再找我"
個男仔以為個女仔唔鍾意自己, 搵左幾次, 個女仔都只係應佢幾句之後, 就冇再搵

佢地有2,3年冇聯絡, 期間個女仔根本冇辦法忘記個男仔, 成日都掛住佢, 而個男仔就曾經拍過一次拖之後分左手

最近, 佢地發現原來當年大家都鍾意大家, 而且到依家大家都仲有感覺, 個男仔想同個女仔係一齊, 個女仔其實仲有d感覺, 但係冇信心, 覺得大家冇見咁耐, 可能大家都變左, 而且回想當年其實都唔係認識得好深, 而呢一刻雖然仲有感覺, 但覺得個感覺, 已經不太似以前, 唔想咁輕易就開始, 就同個男仔講不如做住朋友先

其實個女仔都覺得好亂, 以前都覺得唔知係有好感定係愛, 依家更加唔知係咪仲鍾意個男仔, 個女仔有咁既感覺, 又想做住朋友先, 代表佢已經冇以前咁鍾意嗎? 佢咁講會唔會令個男仔誤會已經冇希望?
如果到最後, 個女仔終於ready, 會好難由朋友變到戀人嗎?