✔ 最佳答案
以我所知, 香港有好多慈善團體都有招募義工的. 你想幫助邊一個群體呀?
1. 如果想幫助老人, 你可以聯絡一下耆康老人福利會, 它是一實幹的團體, 而且幫助到一班真係貧窮的老人家. 唔同的老人中心同院舍會有唔同的需要, 不過他們會同你先登記, 然後到有活動或需要義工幫助的時候就call你. 大家相就時間. 大部份義工工作會陪老人家外出旅行或到酒樓參加節慶飲宴, 有時會到訪跟老人家傾計, 又或者幫手decorate一下院舍的環境. 但他哋會問你的專長同看你是否想參與項義務工作.
2. 如果你想協助籌款團體, 可以考慮一下宣明會, 你可以直接到他們的網站download張申請做義工的Form, 然後交番俾佢哋, 佢哋會聯絡你, 跟你面談, 到有需要的時候聯絡你. 佢哋最需要義工的日子就係新年同四月飢饉30嘅籌款活動.
3. 另外, 你都可以留意網上不同機構的網站, 佢哋大部分都設有義工招募架啦, 你可以先接觸佢哋, 再決定幫邊一間做義工, 因每一間對義工的要求同訓練都不同嘅. 但佢哋唔會強迫你去做一啲你唔想的嘢, 所以你大可以聯絡咗你想幫助的團體先, 然後再深入了解義工的範圍.
你咁細個就咁有心幫人, 真係好啦. 你加油呀. 呢個香港的福利雖然唔係好差, 但人幫人, 當然係多一分力量好D 啦.