我係咪鍾意佢, 2,3年仲掛住, 應該點好?

以前識左佢冇耐就鍾意左佢, 但係我唔肯定係咪鍾意佢, 因為果時我"鍾意"佢, 係因為有人傳我地 (但好明顯係亂傳), 可能我又覺得佢唔錯, 就對佢有好感/鍾意佢,
我其實咁多年黎都好容易因為人地傳而"鍾意"人, 但係咁深就係第一次. 以前有試過人地鍾意我先, 佢有向我表白, 之後被人傳, 慢慢我"鍾意"左佢, 再之後同佢拍拖, 跟住因為呀媽反對, 我就同佢分手, 仲要好決絕, 好似傷心左半日就冇事
但呢次呢個過左咁耐, 每次諗起佢, 我個心仲拿住拿住

講返而家呢個:
"鍾意"左佢之後, 好快佢又去左外國, 我地都有keep住用msn聯絡, 但好多時都係我搵佢先, 到之後我唔想再係咁, 因為我成日都掛住佢, 冇心機讀書...我想考好alevel, 我又覺得只係因為人地傳就鍾意左, 根本唔係真正愛, 而且雖然佢都會同我傾msn, 放假返黎, 我約佢又會出黎, 但係我覺得佢唔係鍾意我.. (我搵唔到一個好明顯既事, 黎睇到佢係鍾意我)
我就唔想再同佢聯絡, 本來我諗住同佢講鍾意佢, 雖然我心裡係覺得佢唔鍾意我, 但係我覺得咁反而仲好, 諗住講左, 佢拒絕我既, 咁我就可以死心, 但係我最後都係冇勇氣講... 慢慢我就冇再搵佢, 開頭既時候, 過左一段日子, 佢都會msn搵我話好耐冇傾過偈, 問我最近點, 我差唔多次次都話唔開心, 問我點解, 我話因為佢唔開心&喊.. 佢既回應都係有d無奈, 但係又冇問我點解係因為佢, 只係叫我唔好唔開心, 果幾次我都想表白, 但都係冇勇氣, 仲要叫佢消失, 唔好搵我之類, 之後佢都冇再搵我
我以為耐左, 就會忘記佢, 但係唔得..

佢facebook 有add過我幾次做friend, 但我冇add返佢, 因為我知道我見到佢同女仔講野, 關心人, 即使好明顯係普通朋友既對待, 我都會呷醋 (呢個都係當時我放棄既原因之一, 因為覺得都未拍拖就咁, 好似未夠成熟, 唔太適合拍拖)
跟住我見到佢facebook, 知道佢已經拍拖, 我喊左好耐, 我諗住今次應該可以死心,
但到左而家差唔多一年, 我都掛住佢
不過期間又被人傳第2個, 我又好享受...但都會諗起第1個, 之後畢業冇乜見第2個, 又掛多左第1個


佢就黎讀完書返黎香港
朋友間既聚會就會比以前大左機會見到佢.. 我本來諗住自此之後大班人既時候就唔出席, 細班人約, 又知佢唔係度先出席 (我冇咩損失, 因為大班人既其實有d人我同佢地唔太熟, 唔見都冇乜所謂, 細班人通常我就個個熟) (我d fd唔知我鍾意佢, 感情事我都唔係幾想fd知.. 不過有1個fd, 從言談間,我覺得個fd都幾肯定我鍾意佢... 唔知可唔可以避到唔見佢.. 因為我唔想因為唔見佢就同人講我鍾意佢想避佢)
但後來我又好想比佢知道其實我鍾意佢, 無論佢當時/而家有冇鍾意我, 仲有冇拍緊拖, 我都想佢知道... 我覺得如果要講, 聚會完左之後講比較理想, 我地住得近, 通常都會剩低我地一齊搭車 (雖然面對面, 可能更冇勇氣..) 但如果靠d通訊工具, 又好似好無啦啦咁...
不過我又好驚講左, 會唔知點... 如果佢唔鍾意我, 就可能尷尬,
如果佢有鍾意過我, 仲拍緊拖(唔知仲有冇, 已經睇唔到佢facebook), 我唔想影響佢
如果鍾意過, 而家仲鍾意而又冇拍緊拖...睇落好似幾好, 但係如果呢一刻叫我同佢拍拖..我又唔係幾想.. 可能因為性格問題... 不嬲有d野我想做, 但係一開始冇做, 即使我心裡仲係想, 但就冇衝動去做, 有機會我都選擇放棄
如果唔講我又驚愈來愈後悔, 係街撞到佢又唔知點..

但我真係好想話佢知>< 好後悔當時冇講, 如果尷尬, 起碼呢幾年佢大部分時間唔係香港, 丟淡得好少少.....
不過講到底, 係咪真係鍾意佢? 由開始到而家都2,3年, 到而家仲成日諗住佢... 係咪代表係真?
點解被人傳我就咁容易 "鍾意"人...我都係已經唔係好細, 果時係高中, 而家係大學...
唉 點做好?