關於讀IELTS同toeic

我之前都有收到佢地電話，咁岩我果時都想報IELTS，所以都有試，又係做一份reading，佢講到D師資同個課程都好好，的確，後來對比番其他IELTS課程，佢所講的課程特色又真係比其他好，但我個人覺得真係貴，佢成日話申請完CEF就平，但其實本身好貴。

後來亦都無讀到，去左其他地方搵相關課程，可以平好多，但其實不論係呢間定現代或其他，好多時都只係教SKILLS，我自己個底唔好，技巧背熟晒成績都係好有限...

如果樓主唔係急住報IELTS黎升學，其實可以嘗試一D免費的方法進修英文先，打好個基礎先，例如IVE應該有D English Centre，嘗試多D去，唔好淨係為做功課先去，一定可以得益唔少。(題外話，我之前都係IVE讀，就係無好好善用呢D資源，而家出到黎想搵D英語機構進修英文，佢地原來都只係不停provide呢D 由外國人帶領的1小時workshop，同IVE幾乎完全一樣，但學費就好昂貴，所以我自己真係過來人，勸樓主好好把握機會)

TOEIC可能係我見識淺無咩點聽過，但IELTS同TOEFL就真係認受性幾大，以兩者黎講我個人認為IELTS更值得考。

全文都係個人經驗，樓主可以自己考慮一下，希望幫到你！