求 數碼鋼琴 推介 THX

你對數碼琴沒有認識﹐第一部琴不用太貴。 太複雜的話﹐ 只會令你手忙腳亂。 建議你先平平地買一部中級的﹐識玩之後﹐你先至會知道自己想要乜野。 數碼琴唔同鋼琴﹐幾千蚊可以買到好靚既琴聲了。 首先﹐你要決定個琴個樣。數碼琴有兩種樣﹐ 一種是"扮直立或鋼琴"﹐即遠睇同鋼琴差唔多﹐ 成大舊野。此類數碼琴當然是用來放在家中。 另一種則只有琴身﹐無腳﹐無譜架﹐此類琴大慨在20磅到60磅之間﹐搬運方便。是樂手們的"搵食架生"。 現時絕大部份數碼琴都有MIDI 。有D用正式 MIDI 接口﹐要另外買線﹐ 有D就直接用USB接就算。你部電腦也要裝 MIDI 軟件 - 就等如你想打字﹐ 都要有 MS Word 一樣。 以下我試講下一般數碼琴常用的功能 與 性能 : 多種樂器聲- 琴﹐提琴﹐管樂﹐幾百種聲。入門級的數碼琴﹐大約會有十零種不同樂器聲。 變調( Transpose) -

同你唱K一樣﹐可以調高或調低部琴。如果你調低一級﹐然後彈C調﹐聽起上來就是B調。 左右手不同樂器( Split ) -

左邊與右邊鍵出不同樂器聲。當然你可以選在哪一粒鍵做分水嶺。 疊音(Dual Voice ) -

兩種不同樂器聲一齊出 (只需按一粒琴鍵) 這裡要留意了﹐高檔琴可以讓你調每一種樂器的大細聲﹐比如說﹐疊音時﹐我要鋼琴聲大過小提琴聲少少。所以高檔琴﹐會有多4個制比你控制音量 - Split 同 Dual Voice 兩個功能同時開能時﹐ 你會同時玩4種樂器﹐所以咪有多4 個音量制囉。 而低檔的數碼琴﹐則不會有分開的音量﹐原廠設定係點就點。Polyphony (呢個中文我唔識) -
同一時間最多可以出幾多個音。你雖然只有10隻手指﹐但你會用腳踏板麻。如果是32音的 Polyphony ﹐踏下腳制﹐彈到第33粒音時﹐第一個音就會無左。同電腦記憶容量一樣﹐當然是越多越好﹐一般最少都要64音﹐好D既都會有128音 Polyphony 。 拍子機-
一般都會有個拍子機制。 錄音-
比你錄下自己彈左D乜﹐好D既琴會有多條音軌﹐你可以重疊錄音﹐例如先彈一次琴﹐第二次彈弦樂﹐再開返出來聽時就是合奏了。 伴奏音樂-
基本上﹐你可以選一種節奏﹐然後左手按一個和弦﹐這時部琴會成隊樂隊出晒黎伴奏。(這個功能不是每部琴都有) 喇叭-
好多較為專業的琴﹐是沒有喇叭的。(在家用就要另外買喇叭﹐或接上屋企套音響) 所以你去試琴時﹐在覺得 "D聲唔靚" 或 "D聲好正" 前﹐望一望部琴接了什麼喇叭先。 最後講下牌子。YAMAHA 應為首選。P 系列剛出了 P105 ﹐平靚正之首選。KORG 既琴聲見仁見智﹐有人好鐘意﹐亦有人覺得麻麻地。SP250 係入門之選。ROLAND 既 FP 系列比前面兩部貴少少但功能差不多 (感覺好似歐洲車咁)NORD 既聲﹐坊間D人話最靚﹐價錢亦貴﹐部琴紅色﹐唔打得都睇得。CASIO 也有出數碼琴﹐雖然口碑麻麻﹐但勝在抵食夾大件。你有過萬預算﹐都唔洗買CASIO 了。　

2012-12-05 02:20:54 補充：
"扮直立式琴" - 價錢也較貴﹐比較少樂手用﹐因為唔方便搬。此類琴聽起上來可能
會好聲D﹐但這是因為部琴大﹐裝了套好D既喇叭在入面而已。