強迫症與焦慮症

我覺得自己有焦慮症和強迫症..
焦慮症好像比較嚴重..我常常都會擔心未來的事
連明天,後天的事都會擔心.有時仲會擔心可能一程車後的事情
或者好快好快禁諗定一陣要做咩,後日要做咩.幾點鐘要做咩禁
比喻我一會要坐車.但想去洗手間,我問朋友借定紙巾,然後我袋起
佢就問我點解,我話我一陣要坐車,落車後要去搵一個朋友.
但我想去搵佢之前去定洗手間,但我又無紙巾,
我朋友就話.你會唔會諗得長遠左小小?
又或者我後日要返工,夜晚要返學.我就諗定放工後第一步要做咩.
可以做咩,食咩,返屋企先定出去先,仲有淨時間用黎做咩
之後返屋企就會寫低:幾點鐘要做咩幾點要起身
試過有個禮拜好多功課全部下星期交, 好多野做.同一時間好多事未解決
我就成個人亂哂.夜晚失眠不停係度諗點算呢應該做咩先
要快D做哂先得.最終果日我夜晚兩點都未訓,起身做哂功課
先去訓教,做完已經4點,我5點半就要起身整野出門口返工,
但其實我有一個星期時間,但我編排唔到我既行程我就好亂..
亂到連教都訓唔好.遲下就要小測,我又好亂 唔洗返工我都7點起身
夜晚就兩點幾都訓唔著.我要7點起身不停溫書先得唔係我就會好不安
無溫就會個人好緊張乜都做唔到 ,但溫又溫唔入腦
我每次夜晚訓唔到都好驚.之後就諗第時會點,會唔會一事無成
驚自己達唔到自己既夢想,諗到達唔到個夢想我又開始驚又開始亂
之後又開始編排之後要做咩, 我一定要編排好自己要點先做到野
唔係就乜都做唔到仲要緊張,我想放鬆D但唔得.唔知點算好
唔知大家幫唔幫到我,
仲有就係強迫症..其實都係同焦慮症有點相同
就係不停禁要求自己做到一樣野，要做到乜野
今日起身一定要點點點，比喻一起就一定要刷牙即刻食野
之後就溫書。每到星期二就一定要做家務　而且係全屋禁做
要執好哂Ｄ野，洗哂衫掃地拖地，如果當日做唔哂果Ｄ野
我夜晚就會唔出門返學，因為我覺得一定要做哂
但夜晚一唔返學功課就追唔返，我又會開始焦慮緊張
所以依家真係好亂，真心希望有人可以幫到我因為我真係好亂
唔該哂禁多位！