面對流言蜚語

唔好咁la..,你怕咩比人話,朋友係好少真心架..,一有事就各自走架!!!我之前都試過上台唱給我一個理由忘記..,之後就比人串我唱得好難聽..仲話我老牛聲-3-我都好怕去面對..,但我覺得..他們咁勁.又5自己上台唱!!!我對唱歌好有熱誠..,你旣然咁中意唱歌..就放膽去la..,我會支持你!!!一齊為自己中意的事去努力..,再5係你可以add 我fb,大家一齊傾計;-)

其實你都能夠承認自己有做得未夠好既地方,我覺得呢樣野都幾好啊^^
不過如果我係你遇到呢個情況,我諗我自己都會幾唔開心
相信最大原因都係在於點解曾經既好朋友會咁樣對自己
當然我唔知道你會唔會係因為上台緊張所以唱得唔系咁好
但我諗你咁中意唱歌,一定會願意提升自己的歌唱能力^^
自己既興趣其實最近要都係自己中意啦~
下次再有機會表演既時候可以加倍練習XD
朋友既批評,換個角度去諗,其實都可以係推動自己進步既動力黎
星期一返到去可以唔需要太擔心^^

希望可以幫到你啦~
如果仲有D咩想傾,可以add呢個MSN:
[email protected]

你知唔知乜野叫流言蜚語？
人地而家有冇老作、又唔係謠言，都唔算得上係講是非唱你，
佢地只係就咁評下你唱成點啫！

講真，唔受得批評就唔好學人表演。
企上舞台就預左要承受壓力，除左係面對群眾既壓力，仲有面對人地意見既壓力！
你而家係表演，係唱歌畀人聽，唔係畀自己聽，點可以唔理觀眾既反應？
如果淨係鍾意唱歌、鍾意自己唱既，咁你ｂｏｏｋ間ｋ房自己唱ｋ好啦。

你自己問心，都知自己唱得差。
如果你唱得好，ｄ人仲要踩你，就係惡意詆毀、就係攻擊，咁呢ｄ就唔係你朋友。
如果你唱得差，佢地仲要讚你，雖然係好朋友，但咁樣其實都係對你講白色謊言！
你唱得差，人地批評，呢個係最正常既做法！
你見到鄧麗欣唱到走晒音，你都會鬧啦。
雖然你唔係歌手，唔係專業，但既然上台表演，都預左會有人講！
如果個表演一ｄ　ｎｏｉｓｅ都冇，即係冇人有留心睇啦！
你唔可以只接受好既意見，彈你就覺得人地對你唔住！
就算人地講得難聽，不留情面，都唔可以話人地唔岩。
假如你係真心鍾意唱歌既話，呢ｄ負面評價先最重要，先令你進步，唔想再衰畀人睇。
假如你對唱歌玩玩下，志在參與，咁我唔明點解你要咁在意人地既意見，人地批評你，你大可以一笑置之，甚至自嘲埋一份，耿耿於懷做咩？

而家ｄ小朋友畀人鬧兩句就覺得人地錯，又唔反省下自己有咩問題。
唔跌過係唔會長大，成世淨係聽到讚美絕對唔係一件好事！
希望你會學識接受批評，包括你同學既批評同埋我既批評。