好孤單,同班同學都唔中意我

我今年中五,讀女校,我性格比較怕醜,又中意安靜,
朋友唔多,女校人際真係好複雜,
本來過去4年人緣都唔差,同一個女仔A中一玩到中四,
A發現曾經因為我成績好過而孤立,雖然之後都好番,
但係後來俾我我A一路都講大話呃我,我覺得好灰,
冇再同A玩,佢一路都周圍唱我,我冇理到佢,覺得清者自清,
之後同左另1班人玩,初初玩果陣好好,但係後來佢地俾流言影響左,
又同A熟左,同埋我有時唔太參與佢地,搞到開始排擠我,
暑假之後升中五,我都唔敢行埋佢地到,之後佢地果班有個女仔B,
B都覺得自己俾班人排擠,所以冇理佢地同左我玩,
佢地想同返B玩,但係B冇理佢地,佢地就認定係我搶走B,更討厭我.
而加成班得B同我一齊,

我班度有個女仔C,一路都同我好FD,不過佢有自己一班朋友,
我地都係放假先約出黎傾下計,平時係學校都保持距離,
佢班FD同討厭我果班關係好好,所以佢知道好多野,
話俾我聽好多野,佢話果班人一路都係我背後講壞話,算啦,我忍.

之後有個CAMP,係關於考察,要一齊做野,C班FD搵我入組,
C有日突然WHAT'S APP我同我講佢好嬲,之前班人見到C果組有我,
就係佢D FD面前不停中傷我,又話我實唔會幫手,搞到佢班FD開始討厭我,

本來我一路都忍,但係今次我真係覺得好傷心,好委屈,
俾人不停地係背後講壞話,
搞到冇晒好印象俾人,我今年中五喇,
好想讀好D書,但係返學真係令我好辛苦,唔知點算,
仲有成年半要對住佢地......流言真係好恐怖