CANON 600D 鏡頭問題

你要先講你既可用資金先可以比到更準確貼心既答案 ， 我先以無資金限制去解答。

1). Canon EF-S 55-250mm F4-5.6 IS
呢支鏡真係好正 ， 正在於係佢二手價又平但好硬正 ， $1000買入二手鏡 ， $1000賣返出去都唔出奇。。入門新手用APSC機既十分建議入手既鏡， 佢既焦距係可以完全同支套裝鏡配合 (18-55 + 55-250) ， 雖然係平價既入門鏡 ， 不過同18-55唔同 ， 佢既光學表現一啲都唔差 ， 而且佢既防手震(IS)能力良好 ， 手持影相十分就手輕易。 最緊要夠平!!! 資金唔多想要長焦既佢可以滿足到你。 唔好處就係光圈細， 係暗位比較難提高快門速度。。要以提高iso去幫忙 ， 而且無超聲波馬達 ， 雖然唔算慢 ， 不過對快速移動物沒咁有利。。。仲有就係。。。EF-S 鏡將來玩5D3. 6D哥啲全片幅機時用唔到。。。

2). Tamron SP 70-300mm F4-5.6 Di VC USD (A005)
呢支係騰龍周年記念既賣大包之作 ， 達300既焦距 ， APSC同FF機都有良好既遠攝距離 ， 良好既光學表現配上騰龍首支既超聲波靜音馬達(USD) 令你會有良好， 快速而寧靜既對焦表現 ， 仲有騰龍鏡出晒名既強力防手震(VC) ， 係遠攝手持影相都會輕鬆好多 ， 係原廠同焦距同能力既鏡賣緊$11,000之際 ， 佢只係賣$4000都唔使丫大老(水貨再平啲添!) 又輕細 ， 呢支仲要係全片幅機都用得既鏡來添!!! 真係無懈可擊啦 ， 不過點好都好實有野唔好 ， F4-5.6光圈都係細。。。。情況同上面支55-250一樣。。。唔夠光會好頭痕。。。

3). SIGMA APO 70-200mm F2.8 EX DG OS HSM
上面兩支鏡都有一個共同問題 ， 佢既光圈細。。。。快門難提高。。低光拍攝難。。。遠攝鏡手持拍攝本身安全快門本身都好重要 ， 就算用舊睇法 ， 最整限既計法 1/焦距 ， 以演唱會既抵光 ， 就算用ISO 1600 都好難升到去1/200既快門速度。。。更何況如果歌手動作快 ， 快門速度就要更快 ， 所以好多十都愛有F2.8大光圈既遠攝鏡。。。
原廠既小白兔(EF 70-200mm F2.8L II IS USM) 既近二萬價錢令好多人都難以入手。。。不過SIGMA呢支基本功能同小白兔同樣既鏡 ， 幾次減價之後只賣$9000有找。。。。雖然光學表現同小白兔有好大距離 ， 不過F2.8始終都有佢既有用之處
。。 仲有個問題係離唔開大光圈遠攝鏡既。。。就係重 ， 就算係同級之中比較輕既鏡 ， 佢都有成1.5kg重 ， 唔習慣既長時間手持會好快累 ， 而且你既腳架同雲台都有需要夠力先得。。。。

最好唔好買18-200 18-270哥啲高倍變焦鏡 ， 佢地唔係專門比遠攝用 ， 遠攝對焦能力唔夠正式遠攝鏡好 ， 而且高倍變焦光學上其實好難有良好既表現。。呢兩支鏡其實都只係造來滿足懶人用罷了。。。建議你買返正式遠攝鏡。。。

選擇一係canon自家出的55-200，平，有usm，對焦快。由於你部asp-c，實際約90-320mm。http://www.dpreview.com/products/canon/lenses/canon_55-200_4p5-5p6
選二係Tamrom的18-200，http://www.dpreview.com/products/tamron/lenses/tamron_18-200_3p5-6p3_di_ii，仲有支18-270。
選三係sigma的18-200，http://www.dpreview.com/products/sigma/lenses/sigma_18-200_3p5-6p3。
約二千幾至三千幾左右，其他都會貴。
效果最好係canon，但係由55開始，平時用不著，要換鏡。
網上大把比較，sample相等，好易搵。
要買就周圍都有，最好揀o岩心水先。