到深圳工作與女朋友分隔兩地的取捨

兄弟，問心你上唔上北上發展先？
睇你個款，都想架啦！
除非而家係你唔鍾意強國，有骨氣到永遠唔入共狗領土，咁咪唔好去囉。
但而家你根本就唔介意去，係你條女介意咋嘛！

女人真係麻煩，唔好理佢，一於去馬！
做生意呢家野，係事業問題，唔係愛情問題，唔使理你條女咁多！
如果留係香港打死一死牛工，冇得升既，咁有鬼用咩！
梗係上去闖一闖啦，起碼有個機會丫嘛。
男人，最緊要係咩？梗係錢同事業啦！
我唔係話女人唔重要，但當你有錢又有事業既時候，慌死會冇女咩？
ｄ女成隻狗咁衝埋黎爭住畀你食呀，燕瘦環肥樣樣齊！
得，我明，你話你專一丫嘛，你淨係想要你現任女友，為一棵樹放棄整個森林。
ｏｋ，但係你咁鍚你條女時，你條女又鍚唔鍚你呢？
作為一個稱職女友，絕對唔應該阻住男朋友發達。
事業係男人既第一位，女人唔可能要你愛情至上，你估而家仲係求學事期咩。
我地偉大既革命烈士林覺民先生，為左搞革命，都離開佢心愛既老婆啦！
幾多士兵離開家庭，出去保衛家園！
仲話認定大家喎，如果上大陸就搞到分手既，真係早ｄ認清好啦！
呢ｄ就係男人既浪漫，男兒係要有種使命感架！
何況家陣你又唔係出打仗，你會番黎架嘛。
如果你出去打仗，你條女阻止，都係因為擔心你。
但你而家唔係打仗，佢都阻你，就完全係出於自私！
拿，我有講錯咩？佢淨係驚冇人陪、唔想異地戀，佢有冇諗過你前途先？佢淨係諗自己架咋！
如果你信你條女唔係咁既人，就更加要北上證明一下啦！

好心你教下條女唔好咁短視啦。根本北上發展已經係必然趨勢。
上大陸又好、去外國又好，有機會出去做野點都係個機會黎，試下都無妨。
雖然唔擔保一定掂，但就算失敗左，後生遙遠又有咩好怕。
就係趁後生先試多ｄ、見識多ｄ，成世追求穩定（人工又唔係高個隻）盞後悔！
到時娶左條女，難保佢唔會怨你搵唔到食、怨你成世做散仔。
所以更加要爭取上位既機會，真係升到職時，你條女就會知你決定明智架喇，而家唔使同佢解釋咁多，佢邊明丫。

總之呢，想去就梗係去啦。
如果你話唔捨得女友而唔去，呢個理由真係笑死人。
無論你去定唔去都好，都要調教下條女，叫佢咪咁痴身，太唔成熟啦！
而家科技咁發達，異地戀好易ｋｅｅｐ啫，你應承佢上到去唔叫雞就得啦。
係見得少ｄ，又冇得扑野，不過小別勝新婚呀嘛，咁小考驗都經唔起就真係唔會結到婚！
況且又唔係去一世，我諗你去一兩啫？就算長註又點？而家去美國咩？
大佬，深圳呀，大把男人個個禮拜都上去一轉架啦，近到咩咁，隔住條河咋。
同你條女講下啦，應該肯架喇。
如果佢仲係都要你二揀一咁港女既話，咁就揀事業吧啦，呢挺女人制唔過！
女人如衣服，為自己前途打算下啦，你男人黎架，千祈唔好畀女人食住！

2012-12-02 18:37:58 補充：
畀我都唔上上強國住啦。
你都唔係係個度長住架啦，雖然將來既事好難講，
你撈到風山水起，真係長留深圳都未定。
但呢d係後話啦，到時條女先再決定跟唔跟你。

而家個問題，只係你上去做野啫，又唔係真係賣豬仔。
你上去做正經野、做大事，唔係dup骨叫雞，在情在理都唔應該阻你。
而且深圳咁近，見少d啫，就算係香港忙起上黎都少見啦。
咁都要分手既話，就真係佢問題啦。

好簡單 ! 在工作地方租個單位, 請妳的女友
常常到那裡跟妳見面 / 短住 !

如果她是真的愛你 , 她會為妳的事業著想 ;
同時她知道妳有這決定, 她應該更安心 !
對嗎 !

如果真係愛既 ...大家睇將來又唔一定會唔好收場既 ...