點解呢種人仲可以有咁多朋友?

本人係一個中五學生,朋友好少,班裹只有兩個朋友,一個叫儀,一個叫桐,但桐成日唔返學,再加上之前被同學誤會咗佢挖鼻屎,d同學覺得佢污糟,因此好多同學排斥佢+唔同佢做朋友

正正就係因為桐成日唔返學+性格老積,唔返學又話有好多病痛發生,但佢人品唔差,所以有時我都唔想睬佢,嚴格上嚟講,班中只有一個朋友


講返正題,我地班裹有個女同學,佢叫敏,我地三人都唔鍾意佢,佢都唔鍾意我地,喺班裹除咗我地三人同另外嗰三位男同學,佢幾乎同全班同學都有聯絡,佢同某幾個同學特別friend,而且班裹既同學都成日向佢微笑

儀聲稱佢以前小學嗰陣同敏同一間學校,仲係由小一到小六都係同班,依家中學又係年年都同班,但兩人一d都唔友好

儀仲話佢人品好差、成日蝦同學、好高招、講嘢好串又自大講人是非,朋友講既嘢,我都有d認同

因為我日日上堂都聽到敏同佢隔離好友講人是非,佢同d同學好多計傾,講d話題都好圓滑,佢有時仲喺到讚自己靚女,仲好扮嘢,我真係唔明點解d同學咁鍾意同佢來往??!!

其實我本來都仲有兩個朋友,但亦同敏交情幾好,佢見到我同兩個朋友好好傾,於是敏同我兩個朋友講,話我同桐做朋友,搞到嗰兩個依家唔同我傾計